दमक। दमक १ को सिरिजङगा टोल बिकास संस्थाले आफ्नो भवन निर्माण गरि उद्घाटन गरेको छ । दमक नगरपालिकाका वडा नंं १ का अध्यक्ष ताराप्रसाद अधिकारीले भवनको उद्घाटन गरेका छन् ।

कार्यक्रममा नगरपालिकाका समाज कल्याण योजना शाखाका डम्बर बरालको विशेष आतिथ्यता रहेको थियो । साहित्यकार तथा सामाजिक अभियन्ता सेसेमी से नाल्बो र इक्सा सम्बाहाम्फेद्वारा दश धुर जग्गा दान गरी १६धुर जग्गामा करिब ७ लाखको लागतमा उक्त भवन निर्माण गरिएको जनाइएको छ । ८४ घर परिवार रहेको उक्त टोलमा जनस्तरबाटै सो भवन निर्माण गरेका हुन् । हालसम्म कुनै दातृ निकायबाट रकम प्राप्त भएको टोलवासीहरुले बताएका छन् ।

कार्यक्रममा छिमेकी टोलका प्रमुखहरु लुङ्धुङ टोलका अध्यक्ष याम राई, हिमालय टोलका अध्यक्ष बुद्धि इङनाम त्यसैगरी सिने निर्देशक राजकुमार आङदेम्बे लगायत सामाजिक व्यक्तित्वहरुको उपस्थिति रहेकोे थियोे ।

कार्यक्रममा जग्गादाता सेसेमी सेनाल्बो र इक्सा सङबाङफेलाई ताम्रपत्रले सम्मान गरिएको थियो भने सबै सहयोगदाताहरुलाई पनि सम्मान गरिएको छ ।

भवन उद्घाटन कार्यक्रम सिरिजङगा टोलका अध्यक्ष रचना लाओतीको अध्यक्षतामा सम्पन्न भएको छ । त्यसैगरी स्वागत मन्तव्य टोलका कोषाध्यक्ष तारादेबी राईले गरेका थिइन् भने संचालन सचिब आरती लिम्बूले गरेकी छन् ।