न्यूयोर्क क्वीन्स। अमेरिकामा बस्दै आएका आदिवासी जनजाति साहित्यकारहरु एकजुट भएका छन् । आइतबार मणि बाङदेल राईको अध्यक्षतामा आदिवासी जनजाति साहित्यकार महासंघ गठन भएको छ ।
“साहित्यमा आदिवासी जनजाति सौन्दर्य लेखौ ।” भन्ने नाराका साथ भेला भएको अमेरिकामा बस्दै आएका आदिवासी जनजाति साहित्यकारहरुको भेलाले अध्यक्ष बाङदेलको नेतृत्वमा एघार सदस्यीय कार्य समिति गठन गरेको छ ।

उक्त नवगठित समितिमा उपाध्यक्ष फरा देण्डी शेर्पा, महासचिव जसकुमार राई, सचिव दिलीप कुमार श्रीष, कोषाध्यक्ष मनु लोहरुङ राई चुनिएका छन् । त्यसैगरी सदस्यहरुमा तारा मिलन छन्त्याल, विरेन्द्रहाङ लाबुङ, चन्द्र बज्यू तामाङ, बुद्ध चेम्जोङ, विवश बेनाम लिम्बु, अशोक चाम्लिङ राई र अग्नी साम्पाङ राई रहेकाछन् ।

नेपाल आदिबासी जनजाति महासंघ अमेरिकाको समन्यवयमा साहित्यकारहरुको भेला गरेका थिए । सो अवसरमा आदिवासी जनजाति महासंघ अमेरिकाका अध्यक्ष लोक चेम्जोङ्ले नवगठित सम्पूर्ण पदाधिकारीहरुलाई सुभकामना दिएका थिए ।
अध्यक्षमा चुनिएका साहित्यकार मणि बाङदेलले— “अमेरिकामा रहदै आएका आदिवासी जनजातिहरुको मुद्दालाई साहित्यबाट मुखरित गर्न योजना बनाएर अगाडि बढ्ने” बताए ।
(विवश बेनामको वालबाट)