दमक । सरकारले गरेको निर्णय कान्वयन गर्न अटेर गर्दै आज मङलबार दमकका विद्यालयहरु खुलेपछि स्थानीय सरकारले बैशाख १४ सम्म नखोल्न भनेको छ ।

नगरपालिका शिक्षा शाखाका प्रमुख दिनेश न्यौपानेद्वारा हस्ताक्षर गरि आज जारी गरिएको सुचनामा त्यस्तो उल्लेख गरिएको हो ।

पछिल्लो समय नयाँ प्रकृतिको कोरोना भाईरसका कारण भारतमा दैनिक ज्यान गुमाउनेको संख्या बढदै गएको र नेपालमा समेत यसको असर देखिएकाले सरकारले बालबालिकाको स्वास्थ्य जोखिमलाई मध्य नजर गर्दै तत्काल बढी जनघनत्व भएका शहरहरुमा संचालित बिध्यालय बन्द गर्ने निर्णय गरेको थियो ।

निजी विद्यालयका संचालक तथा कतिपय अभिभावकहरु भने सरकारको यो निर्णय अब्यवहारिक र अवैज्ञानिक रहेको भन्दै असन्तुष्ट राखेका छन् ।