कमल ५ मा खुल्यो सुविधासम्पन्न रिभर भ्यू हेरिटेज एण्ड रिसोर्ट

 लिम्बुवान न्युज
                       

झापा/ झापाको कमल ५ मा सुविधासम्पन्न रिभर भ्यु हेरिटेज एण्ड रिसोर्ट वैशाख १ बाट औपचारिक रुपमा संचालनमा आएको छ । दमकका राजनीतिक, सामाजिक तथा व्यवसायिक व्यक्तित्व रुद्र कार्कीले करोडौं रुपैयाँको लगानीमा सो रिसोर्ट संचालनमा ल्याएका हुन् ।

संचालक रूद्र कार्की

दमकसंगै जोडिएको कमल ५ स्थित रतुवापुल पूर्व हाइवेसँगै जोडिएको उक्त रिसोर्ट उद्घाटन कार्यक्रम नयाँ बर्षको दिन देखि एक हप्ता संचालन भएको संचालक कार्कीले बताए । उनले उद्घाटन कार्यक्रममा चर्चित कलाकारहरु मेलिना राई, इन्दीरा जोशी र प्रमोद खरेललाई समेत सांगीतिक कार्यक्रममा उभ्याएका छन् । वैशाख १ गते इन्दीरा जोशी, वैशाख ३ गते मेलिना र ७ गते अन्तिम दिन द भोइस अफ नेपालका जज प्रमोद खरेलले प्रस्तुति दिएका थिए । पूर्वकै चर्चित आरजे भूमिका सुब्बाले कार्यक्रम संचालन गरेकि छन् ।

त्यस क्षेत्रमा करिब अढाई बिगाहा क्षेत्रफलसहित करिब ५० करोड रुपैयाँको लगानीमा रिभर भ्यू हेरिटेज एण्ड रिसोर्ट सञ्चालनमा आएको हो । एक बर्ष लामो कोभिड–१९ को कारण लकडाउनमा थलिए पनि हालसम्म कुनै बैंकहरुबाट ऋण नलिई आफ्नै खर्चमा निर्माण भएको हुँदा ढिलै भए पनि संचालनमा ल्याएको कार्की बताउँछन् । करिब १ लाख वियरको बोलतले बनेको बोतल हाउस, वच्चाहरुको निमित्त खेल्ने सामाग्रीका, बृद्धवृदासम्मले मज्जा लिन सक्ने पार्कको निर्माण भएको छ भने विभिन्न पार्टी सेमिनार समेत गर्न मिल्ने हलको समेत व्यवास्थापन भईरहेको साथै स्वीमिङ् लगायत पनि निर्माण अन्तिम चरणमा पुगेको संचालकले जनाएका छन् ।

वातावरण मैत्री बनेको बोतल हाउसबाट मनोरम दृश्यावलोकन गर्दै र स्वास्थ्यवद्र्धक खानाहरुको स्वागत चाख्न पाइने वताइएको छ । त्यस्तै आकर्षक झरना, नेपाली मौलिकता झल्किने र आधुनिक मनोरञ्जनका साधनहरु रिसोर्टमा थप आकर्षणका रुपमा रहेका छन । करिब १ लाखले अवलोकन गरेको रिसोर्टको उद्घाटनसँगै आवतजावत दिनदिनै बढ्दै गएको संचालक कार्कीले बताएका छन् ।

सम्बन्धित समाचार

पहिचान आन्दोलनका प्रथम शहीद पदमकुमार लिम्बुको शहादत्ताको चर्चाः समाधिस्थल लगायत विभिन्न स्थानमा स्मृतिसभा सम्पन्न

दमक, १० चैत्र । प्रदेश नं. १ को नामाङकन कोशी राखेसँगै उठेको पहिचानवादी आन्दोलनको प्रथम सहिद पदमकुमार लिम्बू (लाजेहाङ) शहादत्त भएको आज एक बर्ष पुरा भएको छ । शहीद लाजेहाङको साहदतको चर्चा गर्दै शनिबार मोरङको...

महागुरु फल्गुनन्दको समाधिमा शालिक नराख्न संघको अनुरोध

दमक, १० चैत्र । पाँचथर जिल्लाको फाल्गुनन्द गाउँपालिकास्थित वडा नं. २ र ३ तथा फिदिम नपा वडा नं. ३ को संगम स्थल सिलौटीमा राष्ट्रिय विभूती महागुरु फाल्गुनन्दको शालिक नराख्न सो क्षेत्र संरक्षण गर्दै आएका किराती...

इलाम २ मा पत्रकार मिलन लिम्बुको स्वतन्त्र उम्मेदारी घोषणा

दमक, ४ चैत्र । नेपाल आदिवासी जनजाती पत्रकार महासंघका केन्द्रीय महासचिव मिलन लिम्बूले इलाम २ को प्रतिनिधिसभा सदस्य उपनिर्वाचनमा उम्मेदवारी घोषणा गरेका छन् । आइतबार काठमाडौं अनामनगरस्थित युनियन हाउसमा आयोजित पत्रकार सम्मेलनमा उनले उपनिर्वाचनमा स्वतन्त्र...

इलाम २ मा डकेन्द्रसिंह थेगीम लिम्बु पहिचान पक्षधरहरुको साझा उम्मेदवार घोषणा

ललितपुर, चैत्र ३ । ‘कोशी’ नाम विरुद्व आन्दोलनरत प्रदेश नं. १ पुनः नामाङकन संयुक्त संघर्ष समितिले पहिचान पक्षधरहरुको आसन्न इलाम क्षेत्र नम्बर २ को प्रतिनिधिसभा उपनिर्वाचनमा साझा उम्मेदवार घोषणा गरेका छन् । संघर्ष समितिले बिहीबार...