मुक्कुमलुङ अतिक्रमण विरुद्ध काठमाडौं र झापामा एकैसाथ बिरोध

 लिम्बुवान न्युज
                       

काठमाडौं। मुक्कुमलुङ अतिक्रमणको विरुद्धमा आज काठमाण्डौँमा बिरोध–सभा सम्पन्न भएको छ । लिम्बु समुदायको ऐतिहासिक आस्थालाई भत्काई ’मुक्कुमलुङ’को अस्तित्व मेट्ने दुस्प्रयास गरेकोले सरकारको यो गलत कदमको विरुद्धमा याक्थुङ लेखक मञ्च,उपत्यका समितिको आयोजनामा आज काठमाण्डौँमा बिरोध–सभा गरिएको हो ।

कार्यक्रममा मगरात संघर्ष समिति, किरात मोर्चा, जन– सरोकार समन्वय समिति, सेभ भ्याली नेपाल,उपत्यकाव्यापी सडक विस्तार पिडित संघर्ष काठमाण्डौँ (नेवा नेसन) आदि संघ–संस्थाहरुले समेत सहभागिता र ऐक्यबद्धता जनाउनु भएको थियो ।

कार्यक्रममा गोविन्द आङ्बुङले स्वागत मन्तव्य राखेका थिए भने, सुरज मादेनले स्वागत गीत प्रस्तुत गरेका थिए । सभामा शनि लिम्बु ,मातृका नेम्बाङ, उत्तम लिम्बु , निर्भिकजंग रायमाझी, इन्दु फोम्बो, रोहित आङ्बो लगायतले कविता वाचन गरेका थिए । त्यसैगरी मगरात संघर्ष समितिको तर्फबाट राम मगर, किरात मोर्चाबाट तेन्दङ मिवक, जनसरोकार समन्वय समितिबाट राजाराम तण्डुकार, आदिवासी जनजाति साहित्यकार/लेखक महासंघबाट टंक सेलिङ र गोविन्द छन्त्याल लगायतले मन्तव्य राख्नुभएको थियो ।

कार्यक्रम याक्थुङ लेखक संघका सह–सचिव सुनिल आङ्बोले सञ्चालन गर्नुभएको थियोे भने कार्यक्रमको समापन यासेली योङहाङले गर्नुभएको थियोे ।

यसरी नै झापाको विर्तामोडमा पनि मुक्कुम्लुङ् अतिक्रमण विरुद्ध कविता वाचन भएको छ । मुक्कुमलुङ् बचाऔं अभियानलाई जोडदार आवाज उठाउन सन्देश दिने कार्यक्रम आयोजना गरिएको संघर्ष समिति झापा जिल्लाले जनाएको छ ।

कार्यक्रममा कवि साङसेन पन्धाक, विराट किराती, सेलिङ के.सि., पुष्पहाङ लोवा, रचना लावती र संगम सुहाङ् लगायतका श्रष्टाहरुले आ–आफ्नो कविता वाचन गरेका थिए । कार्यक्रम विर्तामोडको मुक्तिचोकमा भएको हो ।

यस कार्यक्रमलाई किरात याक्थुङ चुम्लुङ् जिल्ला कार्य समिति झापाको सहजीकरणमा भएको हो भने याक्थुङ लेखक संघ झापा र लिम्बु विद्यार्थी मञ्च झापा र लिम्बुवान स्प्रिङ आन्दोलनको सहआयोजनमा भएको थियो ।

सम्बन्धित समाचार

पहिचान आन्दोलनका प्रथम शहीद पदमकुमार लिम्बुको शहादत्ताको चर्चाः समाधिस्थल लगायत विभिन्न स्थानमा स्मृतिसभा सम्पन्न

दमक, १० चैत्र । प्रदेश नं. १ को नामाङकन कोशी राखेसँगै उठेको पहिचानवादी आन्दोलनको प्रथम सहिद पदमकुमार लिम्बू (लाजेहाङ) शहादत्त भएको आज एक बर्ष पुरा भएको छ । शहीद लाजेहाङको साहदतको चर्चा गर्दै शनिबार मोरङको...

महागुरु फल्गुनन्दको समाधिमा शालिक नराख्न संघको अनुरोध

दमक, १० चैत्र । पाँचथर जिल्लाको फाल्गुनन्द गाउँपालिकास्थित वडा नं. २ र ३ तथा फिदिम नपा वडा नं. ३ को संगम स्थल सिलौटीमा राष्ट्रिय विभूती महागुरु फाल्गुनन्दको शालिक नराख्न सो क्षेत्र संरक्षण गर्दै आएका किराती...

इलाम २ मा पत्रकार मिलन लिम्बुको स्वतन्त्र उम्मेदारी घोषणा

दमक, ४ चैत्र । नेपाल आदिवासी जनजाती पत्रकार महासंघका केन्द्रीय महासचिव मिलन लिम्बूले इलाम २ को प्रतिनिधिसभा सदस्य उपनिर्वाचनमा उम्मेदवारी घोषणा गरेका छन् । आइतबार काठमाडौं अनामनगरस्थित युनियन हाउसमा आयोजित पत्रकार सम्मेलनमा उनले उपनिर्वाचनमा स्वतन्त्र...

इलाम २ मा डकेन्द्रसिंह थेगीम लिम्बु पहिचान पक्षधरहरुको साझा उम्मेदवार घोषणा

ललितपुर, चैत्र ३ । ‘कोशी’ नाम विरुद्व आन्दोलनरत प्रदेश नं. १ पुनः नामाङकन संयुक्त संघर्ष समितिले पहिचान पक्षधरहरुको आसन्न इलाम क्षेत्र नम्बर २ को प्रतिनिधिसभा उपनिर्वाचनमा साझा उम्मेदवार घोषणा गरेका छन् । संघर्ष समितिले बिहीबार...