काठमाडौं। २०७२ को १२ गतेका दिन आएको विनाशकारी भूकम्पले क्षतिग्रस्त भएको धरहराका पुनर्निर्माण भएको छ । भूकम्प गएको मितिको अघिल्लो दिन पारेर आज(शनिबार) प्रधानमन्त्री केपी शर्मा ओलीले धरहराको उद्घाटन गरेका छन् ।

भुकम्प गएको पाँच बर्षमा पुर्ननिर्माण भएको धरहरा सबै नेपालीका लागि खुसीको क्षण भएको भन्दै प्रधामन्त्रीले घरघरमा साँझ दीपावली गर्न अनुरोध गरेका छन् । ‘इतिहास झल्कने गरि बनाइएको धरहरालाई आधुनिक सजिसजावटमा पुनर्निर्माण भएको छ, सुन्दर, आकर्षक र मजबुत धरहरा चढ्दा आइफल टावर चढेजस्तै अनुभव भयो,’ उनले भनेका छन् ।

भूकम्पले भत्किएको धरहराको भग्नावशेषलाई यथावत राखी नयाँ बनाईएको हुँदा पुनर्निर्माण नभई धरहरा नवनिर्माण गरिएको हो । बाहिरबाट हेर्दा पुरानै स्वरुपमा देखिने यो धरहरा आधुनिक सामग्री प्रयोग गरेर बनाइएको छ । उद्घाटन भएपनि तत्काललाई भने सर्वसाधारणका लागि यो बन्द रहने बताइएको छ ।

धरहराका अन्य संरचनाहरु बन्न बाँकी नै रहेको हुँदा राष्ट्रिय पुनर्निर्माण प्राधिकरणले हुँदा हाललाई सार्वसाधारणको लागि खुल्ला नहुने बताएको छ । अहिले सुन्धाराको ४२ रोपनी क्षेत्रफलमा भूकम्प एवं चारतल्ले मुद्रा संग्रहालय, २४सै घण्टा पानी खस्ने सुन्धारा, घुम्न आउने आगन्तुकका पार्किङस्थललगायत संरचना निर्माण धमाधम भइरहेको छ ।