पापोहाङ लाओती सयङ् अध्यक्षमा जीतबहादुर सर्वसम्मत

 लिम्बुवान न्युज
                       

पाँचथर। लाओती बन्धुहरुको संस्था पापोहाङ लाओती सयङको पाँचौ महाधिवेशनले जीतबहादुर लाओतीको अध्यक्षतामा नयाँ कार्य समिति चयन गरेको छ । पाँचथरको लुङफाबुङमा सम्पन्न पाँचौ महाधिवेशनले लाओतीको अध्यक्षतामा नयाँ कार्य समिति चयन गरेको हो ।

दुई दिनसम्म भएको महाधिवेशनले मंगलबार नयाँ कार्य समिति पाएको थियो । पापोहाङ लाओती सयङको नयाँ कार्यसमितिको सहअध्यक्षमा मैयाँ श्रेष्ठ (लाओती), उपाध्यक्षहरुमा दिल बहादुर लाओती, नर बहादुर लाओती र विजय बोध लाओती निर्वाचित भएका छन् । महासचिव पदमा भने पुनः दोस्रो कार्यकालको निम्ति हर्क बहादुर लाओती (कान्छा) निर्वाचित भएका छन् । यसरी नै सचिवहरुमा बालकृष्ण लाओती, शिवकला लाओती र सुरेश लाओती निर्वाचित भएका छन् भने कोषाध्यक्षको जिम्मेवारी गयेन्द्र बहादुर लाओतीले पाएका छन् ।

यस्तै नव निर्वाचित केन्द्रीय सदस्यहरुमा गम्भीर हाङ लाओती, रामबहादुर लाओती, प्रतिमा आङदेम्बे लाओती, सुरेन्द्र लाओती, वीर बहादुर लाओती, चण्डिका लाओती, गगन लाओती, कल्पना योङहाङ (लाओती), रामबहादुर लाओती, सुन्दर लाओती (काङसोरे) र प्रेम कुमार लाओती सर्वसहमतिले निर्वाचित भएका छन् ।

महाधिवेशनले संस्थालाई आर्थिक सहयोग प्रदान गर्नेहुने लाओती बन्धुहरुलाई सम्मान गर्नुका साथै विभिन्न प्रतियोगिताहरु यालाङ, केलाङ र लिम्बु कविता वाचन प्रतियोगिताका साथै सांस्कृतिक महोत्वस समेत आयोजना गरेको थियो । त्यसैगरी लुङफाबुङमा लाओती बन्धुहरुले चोत्लुङ र पत्लुङ यकको पनि स्थापना गरेका छन् ।

सम्बन्धित समाचार

आज अन्तराष्ट्रिय नर्स दिवस, राष्ट्रपतिद्वारा नर्सको प्रशंसा

काठमाडौं । आज अन्तर्राष्ट्रिय नर्स दिवस विश्वभरी मनाईदैछ । यसैक्रममा नेपालमा पनि नर्स दिवस ‘नर्सः नेतृत्वका लागि आवाज, भविष्यको स्वास्थ्य सेवाका लागि एक दृष्टि’ भन्ने नाराका साथ मनाइँदैछ । राष्ट्रपति विद्यादेवी भण्डारीले कोभिड–१९ विरुद्धको लडाइँमा...

धनगढी एफसी एनएसएलको फाइनलमा प्रवेश

काठमाडौं । धनगढी एफसी पहिलो संस्करणको फ्रेन्चाईज फुटबल प्रतियोगिता नेपाल सुपर लिग (एनएसएल) को फाइनलमा प्रवेश गरेको छ । आज भएको पहिलो प्लेअफमा काठमाडौं रेजर्सलाई अतिरिक्त समयमा २–१ गोल अन्तरले पराजित गर्दै धनगढी फाइनल पुगेको...

आज नेप्से २७ अंकले बढ्यो, कारोबार ६ अर्ब नजिक

काठमाडौं । आज (मंगलबार) अधिकांश कम्पनीहरुको सेयर मूल्य बढ्दा सेयर बजार हरियाली देखिएको छ । नेप्से परिसूचक २७ दशमलव ४७ अंकले बढेर २ हजार ६ सय ७३ दशमलव ३१ अंकमा पुगेको छ । ‘क’ वर्गका...

चीनले दिएको ४ सय वटा अक्सिजन सिलिन्डर काठमाडौं आइपुग्यो

काठमाडौं । चीनको बेइजिङबाट ४ सय अक्सिजन सिलिन्डर बोकेर नेपाल एयरलाइन्सको जहाज काठमाडौंस्थित त्रिभवन विमानस्थलमा अवतरण गरेको छ । नेपाल एयरलाइन्सका महाप्रवन्धक डीम प्रकाश पौडेलका अनुसार यो जहाजले ४ सय सिलिन्डर, १६० वटा अक्सिजन कसन्र्नटेटर,...