उर्लाबारी, २० चैत । प्रदेश नं. १ का प्रमुख माननीय परशुराम खापुङले दोश्रो चिचिरी–गेन्द्रो दिवस –२०७८ को उद्घाटन गर्नुभएको छ । उर्लाबारी ३ स्थित धिमाल जातीय विकास केन्द्रको प्राङ्गणमा आयोजित दिवसको शनिबार खापुङले उद्घाटन गरेका हुन् ।
चिचिरी–गेन्द्रोमा धिमाल जातिले परापूर्वकालदेखि दैनिक प्रयोगमा ल्याइरहेको खानालाई प्रवद्र्धन गर्नको लागि महोत्सव गरिएको धिमाल जातीय विकास केन्द्रका उपाध्यक्ष केदार धिमालले जानकारी दिएका छन् ।
धिमाल जातिले चामलबाट पकाएर बनाइने खानालाई चिचिरी र चामलको पिठोबाट बनाइने गेन्द्रो भनिन्छ । अन्यभन्दा विशेष भएकोले धिमाल जातिले फुड फेस्टिभलको नाम नै चिचिरी–गेन्द्रो राखेको हो ।
चिचिरी–गेन्द्रोको उद्घाटन गर्दै प्रदेश माननीय परशुराम खापुङले यस्ता फेस्टिभलले नेपालभित्रको नेपाली मौलिकतालाई विश्वभर पु¥याउन सकिने बताउनुभयो । “चिचिरी–गेन्द्रो दिवसको उद्घाटनमात्र होइन, अहिलेसम्म स्वाद लिन नपाइएको खानाहरु चाख्न पाइएको छ, धिमाल जातिले स्वास्थ्यवद्र्धक, पौष्टिक खाना धेरै
अगाडिदेखि सचेतता अपनाएको रहेछ भन्ने प्रष्टिएको छ ।” माननीय प्रदेश प्रमुखको थप भनाई थियो । एक दिवसीय धिमाल फुड फेस्टिभल धिमाल जातिका २० प्रकारका खाना स्टल राखिएका थिए । त्यसैगरी धिमाल कलाकारहरूद्वारा विभिन्न प्रस्तुति पनि दिएका छन् ।
Related