काठमाडौं, २६ चैत । संघीय लोकतान्त्रिक राष्ट्रिय मञ्चले प्रदेश नं. ३ मा प्रादेशिक भेला गरेको छ । मञ्चका संघीय अध्यक्ष कुमार लिङदेन मिराकको प्रमुख आतिथ्यतामा काठमाडौं सुकेधारास्थित एशियन पार्टी प्यालेसमा शनिबार कार्यक्रम आयोजना गरेको हो ।

शनिबार आयोजित कार्यक्रमले अविनाश गोलेको संयोजकत्वमा ५१ सदस्यीय समन्वय समिति गठन गरेको हो । समितिको उपसंयोजकहरुमा टिकामाया सेन्दाङ (निसा), दावा शेर्पा, ज्ञानबहादुर नेपाली त्यसैगरी सचिवहरुमा राशेक तामाङ, सुमन तामाङ्, विशाल राई र वीर बहादुर तामाङ् रहेका छन् । यसरी अर्थसचिवमा नरमाया शेर्पा गुरुङ र सरस्वता लिङदेन शेर्पा रहेका छन् ।

यसरी नै सदस्यहरुमा छिरिङ्ग शेर्पा, काले शेर्पा, पासाङ गर्जा शेर्पा, मोतिमाया शेर्पा, शुकराम तामाङ, रेखा सुनुवार, निमा ग्याल्जेन शेर्पा, फन्जो शेर्पा, निमी शेर्पा, लह्मु शेर्पा, टाँसी शेर्पा, गंगा लिवाङ मादेन, मिलनकुमारी लिम्बु आङबुहाङ, रमेश लक्सम, असिम नेम्बाङ, चित्र सिगु, कृष्ण लामा, मिङमा लिम्बु, फुर्वा दोर्जे लामा, रन्धोज ताम्लीङ, पासाङ लामा, गीता परियार, शुरेश तामाङ, निम्लहमु शेर्पा, पासाङ द्रोण सम्बाहाम्फे, खगेन नेयोङहाङ, बसन्ता बि.क., निमा शेर्पा, शुसन ताम्लीङ, मिक्तोक इवाहाङ, पवित्रा पोमू, कविता थलङ, इक्सा लोवा, जुनु लावती, विना श्रेष्ठ, याङको शेर्मा र याङ्मु शेर्पा रहेका छन् ।

कार्यक्रममा संघीय उपाध्यक्ष विशेन्द्र चेम्जोङ, विष्णु यक्सो, उपाध्यक्ष तथा शेर्पा प्रान्तीय मञ्चका अध्यक्ष तेम्डी शेर्पा, तामाङसालिङ मञ्चका अध्यक्ष मिङ्मार लामा लगायत नेताहरुले कार्यक्रमलाई सम्बोधन गरेका थिए ।