मोरङ, वैशाख १० । मोरङको उर्लाबारीमा मुसाहाङ वंशको चौथो महाधिवेशन सम्पन्न भएको छ । पोक्लाबाङ यक माङगेन्ना लुङधुङ थाम्रुङ फेदाप अध्यक्ष सेसेहाङ हुक्पा चोङबाङको प्रमुख आतिथ्यतामा कार्यक्रम सम्पन्न भएको हो ।
बिहीबार र शुक्रबार दुईदिनसम्म आयोजना गरिएको महाधिवेशनले विष्णुराज मुसाहाङको अध्यक्षतामा नयाँ कार्य समिति चयन गरिएको छ । नव गठित समितिको बरिष्ठ उपाध्यक्षमा हस्तबहादुर मुसाहाङ, उपाध्यक्षमा इछिङसा मुसाहाङ, महासचिवमा डिल्लीश्वर मुसाहाङ अम्याङसा, सचिवमा लक्ष्मीसुन्दर मुसाहाङ र कोषाध्यक्षमा यज्ञ बहादुर मुसाहाङ निर्वाचित भएका छन् । यसैगरी सदस्यहरुमा हर्कबहादुर मुसाहाङ, नारायण मुसाहाङ, छविलाल मुसाहाङ, फुलकुमारी मुसाहाङ र भक्तबहादुर मुसाहाङ रहेका छन् ।
लिम्बुवानको सबै क्षेत्रबाट प्रतिनिधिमुलक मुसाहाङ बंशहरुको सहभागिता रहेको उक्त कार्यक्रममा अतिथिहरु सेसेमी से नाल्बो, चित्र वनेम, लोकमान पाहिम, भक्त मुसाहाङ, नारायण मुसाहाङ लगायतले शुभकामना मन्तव्य राखेका थिए ।
कार्यक्रममा स्वागत मन्तव्य यज्ञ बहादुर मुसाहाङले राखेका थिए भने संचालन महासचिव डिल्लीस्वर मुसाहाङले गरेका थिए ।
Related