कोशी प्रदेशको नाम खारेजीको माग गर्दै काठमाडौंमा प्रदर्शन भएको छ । शुक्रबार काठमाडौंको माइतीघर मण्डलामा कोशी प्रदेशको नाम खारेज गर्न माग गर्दै विरोध प्रदर्शन भएको हो ।

सचेत पहिचानवादी संघर्ष समिति, किरात याक्थुङ चुम्लुङ काठमाडौं लगायतका पहिचानवादी संस्थाहरूले विरोध प्रदर्शन गरेका हुन् । प्रदर्शनकारीले ‘पहिचान विरोधी होशियार’, ‘कोशी प्रदेश खारेज गर’, ‘पहिचानका आधारमा सबै प्रान्तको नामाकरण गर’, ‘संघीयता पुनः सीमांकन गर’, ‘मुक्ति योद्धा लाजेहाङ लिम्बूलाई शहीद घोषणा गर’ लगायतका नारा लगाएका लिए ।

प्रदेश नं. १ को नाम कोशी राखेपछि केही दिनयता प्रदेशका विभिन्न जिल्ला र राजधानी विराटनगरमा निरन्तर प्रदर्शन भइरहेको छ । विराटनगरमा चैत १० मा प्रहरी र पहिचान पक्षधरबीच झडप हुँदा घाइते भएका पदम लिम्बु लाजेहाङको निधन भएको थियो । सोही आन्दोलन पहिचान पक्षधरहरूले काठमाडौंमा पनि जारी राखेका हुन् ।