ललितपुर, १५ वैशाख । सहकारी तथा लघुवित्त पीडितहरुद्वारा काठमाडौंमा अर्धनन्ग जुलुस प्रदर्शन गरेका छन् ।

सोमबार माईतीघर मण्डलामा सहकारी तथा वित्तीय समस्या समाधान संयुक्त राष्ट्रिय अभियान (महासंघ) नेपालको आयोजनामा उनीहरुले अर्धनग्न भएर प्रदर्शन गरेका हुन् ।

विरोध प्रदर्शनमा उनीहरुले ‘हाम्रो माग पूरा नभए आफूहरु नाङ्गो हुन तयार छौँ’ भन्दै नाराबाजी गरेका थिए ।

बचत फिर्ताको माग गर्दै पछिल्लो समय सहकारी पीडित आन्दोलित छन् । तर सरकारले उनीहरुको बचत फिर्ताको सुनिश्चितता गरेको छैन । आन्दोलनमा संघर्ष राष्ट्रिय अभियानका कार्यकर्ताहरु र पीडित महिलाहरु अर्धनग्न भएर प्रदर्शन गरेका थिए ।