समाधिस्थल मासेर बीओपी राख्न लागिएको भन्दै जनजातिहरु आन्दोलित
आइतबार, १९ बैशाख, २०७८ दिउँसोको ०४:४६ बजे,
लिम्बुवान न्युज
काँकडभिट्टा। मेचीनगर नगरपालिकाले समाधिस्थल मासेर सशस्त्र प्रहरीको बोर्डर आउट पोष्ट (बीओपी) राख्न लागेको भन्दै स्थानीय किरातजातीहरु राई, लिम्बु, याक्खा समुदाय आन्दोलित बनेका छन् । बीओपी निर्माणका लागि नगरपालिकाले पाँच दिनअघि समाधिस्थलमा डोजर चलाएको थियो ।
मेचीनगर–६ काँकडभिट्टास्थित मेची पुल दक्षिणतिर रहेको समाधिस्थललाई नगरपालिकाले बुधबार भत्काएपछि स्थानीय किरात जातीहरु आक्रोशित बनेका छन् । विरोधमा नेपाल आदिवासी जनजाति समन्वय परिषदको नेतृत्वमा किरात राई यायोक्खा, किरात याक्थुङ चुम्लुङलगायतका संस्थाले मेचीनगरका मेयर विमल आचार्यलाई ज्ञापनपत्र बुझाएका थिए ।
किरात राई यायोक्खा झापाका सचिव केवलराम राईले सरोकारवालाहरूसँग छलफल नै नगरी धार्मिक आस्थामाथि नगरपालिकाले डोजर चलाएको आरोप लगाए । उनले भने, ‘नगरको यो निन्दनीय कार्यप्रति हाम्रो खेद छ ।’ नगरपालिकाले नियोजित रुपमा समाधिस्थल मासेर सशस्त्र प्रहरी राख्न लागेको आरोप यो समुदायको छ ।
यसैगरी किरात याक्थुङ् चुम्लुङ जिल्ला कार्य समिति झापाले पनि शनिबार एक विज्ञप्ति मार्फत सरकारको खेद प्रकट गरेको छ । जिल्ला अध्यक्ष सेसेहाङ फियाक र सचिव प्रेमचन्द्र लिम्बुले संयुक्त विज्ञप्ति मार्फत सरकारको यो प्रकारको कदमले संघीय लोकतान्त्रिक गणतन्त्र नेपालको संविधानले प्रत्याभूत गरेको धार्मिक स्वतन्त्रताको हक र मानव अस्तित्व पहिचानको बर्खिलाप गरेको साथै जातीय धार्मिक सद्भावमा खलल पुग्ने काम भएको विज्ञप्तिमा उल्लेख गरेका छन् । आदिवासी जनजातिहरु समाधिस्थलमाथि डोजर चलाउनेले आम माफी माग्नु पर्ने बताएका छन् ।
घटनापछि नगरप्रमुख विमल आचार्यले विज्ञप्ति प्रकाशित गर्दै दुःख व्यक्त गरेका छन् । मानवीय समवेदनासँग जोडिएको यस किसिमको संरचना भत्काउने, नष्ट गर्ने कहीँ–कतै नगरपालिकाको मनसाय नरहेको विज्ञप्तिमा उनले जनाएका छन् ।
यसैबीच आइतबार आदिवाजी जनजाति महासंघ समन्वय परिषदको पहलमा किरात समुदायले डोजर लगाएको क्षेत्रमा क्षमा पूजा गरेर बारघेरा लगाएका छन् ।
दमक, १० चैत्र । प्रदेश नं. १ को नामाङकन कोशी राखेसँगै उठेको पहिचानवादी आन्दोलनको प्रथम सहिद पदमकुमार लिम्बू (लाजेहाङ) शहादत्त भएको आज एक बर्ष पुरा भएको छ । शहीद लाजेहाङको साहदतको चर्चा गर्दै शनिबार मोरङको...
दमक, १० चैत्र । पाँचथर जिल्लाको फाल्गुनन्द गाउँपालिकास्थित वडा नं. २ र ३ तथा फिदिम नपा वडा नं. ३ को संगम स्थल सिलौटीमा राष्ट्रिय विभूती महागुरु फाल्गुनन्दको शालिक नराख्न सो क्षेत्र संरक्षण गर्दै आएका किराती...
दमक, ४ चैत्र । नेपाल आदिवासी जनजाती पत्रकार महासंघका केन्द्रीय महासचिव मिलन लिम्बूले इलाम २ को प्रतिनिधिसभा सदस्य उपनिर्वाचनमा उम्मेदवारी घोषणा गरेका छन् । आइतबार काठमाडौं अनामनगरस्थित युनियन हाउसमा आयोजित पत्रकार सम्मेलनमा उनले उपनिर्वाचनमा स्वतन्त्र...
ललितपुर, चैत्र ३ । ‘कोशी’ नाम विरुद्व आन्दोलनरत प्रदेश नं. १ पुनः नामाङकन संयुक्त संघर्ष समितिले पहिचान पक्षधरहरुको आसन्न इलाम क्षेत्र नम्बर २ को प्रतिनिधिसभा उपनिर्वाचनमा साझा उम्मेदवार घोषणा गरेका छन् । संघर्ष समितिले बिहीबार...
हाम्रो बारेमा
प्रकाशक:
माङ्गेन्ना पब्लिकेशन एण्ड मिडिया प्रा.लि.
प्रदेश न १ , दमक–१, झापा
सूचना विभाग द.नं. २१४६/०७७-७८
सम्पर्क ठेगाना
ईमेल
Limbuwan.khabarnews@gmail.com
विज्ञापन शाखा
९८४४६५८८४४
हाम्रो टीम
प्रवन्ध निर्देशक/प्रधान सम्पादक
दिल कुमार लावती
९८४४६५८८४४/९८२४०१२१८२