काठमाडौं । सरकारले सोमबार मध्यरातिदेखि आन्तरिक हवाई उडान बन्द गर्ने निर्णय गरेको छ । आज –आइतबार) बसेको मन्त्रीपरिषदको बैठकले सो बारे निर्णय गरेको हो ।
आज बसेको मन्त्रिपरिषद बैठकले कोभिड–१९ संकट व्यवस्थापन केन्द्र (सीसीएमसी) को सिफारिसअनुसार वैशाख २० गते राति १२ बजेदेखि आन्तरिक उडान बन्द गर्ने निर्णय गरेको कृषि मन्त्री पद्यमा अर्यालले जानकारी दिएकि छन् ।
त्यस्तै छिमेकी देश भारतबाट हुने सम्पूर्ण उडान स्थगित भएको छ भने ब्राजिल र दक्षिण अफ्रिकाबाट हुने उडान पनि बन्द गर्ने निर्णय भएको छ ।
अरु अन्तर्राष्ट्रिय उडान भने मापदण्ड पूरा गरेर कायम राख्ने ती मन्त्रीले बताए । हाल अन्तर्राष्ट्रिय उडानबाट नेपाल आउने व्यक्तिले १० दिन अनिवार्य क्वारेन्टिनमा बस्नुपर्ने नियम छ । तर राष्ट्रिय अन्तर्राष्ट्रिय चार्टर उडानलाई भने बन्द नगर्ने जनाइएको छ ।
Related