लिम्बुवानखबर, १९ वैशाख। नेपालमा पछिल्लो २४ घण्टामा थप ७ हजार २ सय ११ जनामा कोरोना भाइरस संक्रमित थपिएका छन् । नेपालमा यो संक्रमित संख्या हालसम्मकै सर्वाधिक हो ।

स्वास्थ्य तथा जनसंख्या मन्त्रालयले दिएको जानकारी अनुसार १६ हजार १ सय ४७ जनामा गरिएको पीसीआर परीक्षणमा ७ हजार १ सय ३७ र ६ सय २३ मा गरिएको एन्टिजेन परीक्षणमा ७४ मा गरी एकै दिन ७ हजार २ सय ११ जनामा कोरोना संक्रमण पुष्टि भएको हो ।

नेपालमा हालसम्म ३ लाख ३६ हजार ३० जना मानिस कोरोनाबाट संक्रमित भएका छन् । देशभर सक्रिय संक्रमित संख्या ४८ हजार ७ सय ११ छन् । गत २४ घण्टामा एक हजार ६ सय १२ जना उपचारपछि डिस्चार्ज भएका छन् । निको हुनेको संख्या २ लाख ८३ हजार ९ सय ९४ पुगेको मन्त्रालयले जनाएको छ ।

आज एकैदिन २७ जना कोरोना संक्रमितको मृत्यु भएको छ । योसँगै कोरोनाबाट मृत्यु हुनेको संख्या ३ हजार ३ सय २५ पुगेको छ ।