मोरङ्। पालाम गायक डिबि जबेगु र नन्दमाया थक्लुङ को स्वरमा “कठैबरी“ शिर्षक रहेको पालाम बैशाख २० गते सार्वजनिक हुने भएको छ । उक्त दिन बिष्णु मोक्तानको निर्देशनमा निर्मित कठैबरी पालाम आउन लागेको हो ।
पालामलाई नन्दमाया थक्लुङले रचना गरेका हुन् भने शब्द चयन डिबि जबेगुले गरेका छन् । गायन सहयोगीको रुपमा पुर्ण कुमारी पाङ्मा र धन प्रसाद साँबाले भुमिका निभाएका छ्न । कठैबरी पालामको भिडियो मेन्छ्यायेम दर्पण युट्युब च्यानल बाट हेर्न सकिने छ ।
धनमाया पाङ्माको पहलमा निर्माण गरिएको सांस्कृतिक भिडियोमा कलाकारहरु डिबि जबेगु, मदन वनेम, बिनु तुम्बाहाङ्फे, नन्द माया थक्लुङ, टार कान्छा जबेगु, चन्द्र हुक्पाचोङ्वाङ, बिष्णु कुमारी आङ्बुहाङ, तिर्थ मादेम्बा, सानू थक्लुङ, प्रदिप नयोङ, धनकुमारी पाङ्मा, मिना मादेम्मा, राजेश इवाहाङ, पुर्ण कुमारी पाङ्मा र निस्चल राई रहेको छ । फेदापे भाकामा रहेको पालाम लिम्बुहरुमा निक्कै चर्चित र पुरानो मानिन्छ ।
गायक तथा चलचित्र कर्मी डिबि लिम्बू भन्छन “पछिल्लो समय लिम्बुहरुको पालाम धान नाचलाई रचनात्मक र ऐतिहासिकता झल्काउने गरि रुपान्तरण गरिदै लगिएको छ ।” यस पालामको छाँयाङ्कन तथा सम्पादन सिरकुमार राईको रहेको प्रदिप नयोङले जानकारी दिएका छन् ।
Related