झापा, बैशाख–२१। झापा शिवसताक्षी ८ डुडामारीका २८ बर्षीय जीवन थाम्सुहाङ् पौडी खेल्ने क्रममा डुबेर मृत्यु भएको छ । सोमबार बेलुका साढे ५ बजे माईखोलामा उनि साथीहरूसंग पौडी खेल्ने क्रममा माईखोलाको बाधबाट बगी बेपत्ता भएका थिए ।

थाम्सुहाङ बेपत्ता भएको खबर प्राप्त हुन साथ ईलाका प्रहरी कार्यालय झिलझिले र अस्थाई प्रहरी पोष्ट माईधारबाट प्रहरी टोली खटि गई खोजतलास गर्दा बेलुका साढे ७ बजे बगेको ठाँउबाट अन्दाजी ५०० मिटर दक्षिणमा मृत अवस्थामा फेला परेको ईलाका प्रहरी कार्यालय झिलझिलेले जनाएको छ ।

घटना सम्बन्धमा थप अनुसन्धान भई रहेको पोस्पमार्टम पछि सबै थाहा हुने सो कार्यालयले जनाएको छ ।