लिम्बुवानखबर, २२ वैशाख। पछिल्लो २४ घण्टामा हालसम्मकै धेरै ८,६५९ जनामा कोरोना भाइरसको संक्रमण पुष्टि भएको छ भने ५८ जनाको मृत्यु भएको छ ।

स्वास्थ्य तथा जनसंख्या मन्त्रालयको नियमित पत्रकारसम्मलेनका अनुसार २० हजार ७५६ जनाको पीसीआर परीक्षणमा ८,६०५ र ६१६ एन्टिजेन परीक्षणमा ५४ जना गरी ८,६५९ जनामा भाइरस संक्रमण पुष्टि भएको हो ।

योसँगै हालसम्म नेपालमा कोरोना भाइरस संक्रमितको संख्या ३ लाख ५९ हजार ६१० रहेको छ । आजसम्म कोरोना भाइरसको सक्रिय संक्रमितको संख्या ६६ हजार ३५२ पुगेको छ ।

जसमध्ये ४७६४ जना सरकार तथा संस्थाहरुद्वारा संचालित आइसोलेसनमा र ६१ हजार ५८८ जना होम आइसोलेसनमा रहेका छन् । आज देशभर आईसीयूमा ६०० जना र भेन्टिलेटरमा १५६ जना उपचाररत छन् ।

पछिल्लो २४ घण्टामा संक्रमणमुक्त हुनेको संख्या १,९९३ रहेको छ । हालसम्म देशभरबाट २ लाख ८९ हजार ७८३ जना संक्रमणमुक्त भएका छन् ।

कोरोना संक्रमणबाट नेपालमा आजसम्म ३,४७५ जनाको ज्यान गईसकेको छ ।