बिर्तामोड। झापामा कोरोना संक्रमितको संख्यादर उच्च हुँदैगएपछि बिर्तामोड नगरपालिकाले आइसोलेसन सेन्टर तयार गरेको छ ।

मेची आँखा अस्पतालमा ५० बेडको आइसोलेसन सेन्टर तयार गरिएको प्रमुख प्रशासकीय अधिकृत गणेशप्रसाद दाहालले बताए ।

आइसोलेन शुक्रबार देखि संंचालनमा ल्याइने भएको छ । कोभिड–१९ संक्रमितका लागि नगरपालिकाका तर्फबाट मंगलबारदेखि एउटा एम्बुलेन्स संचालनमा ल्याइएको उनले जानकारी दिए । बिरामीलाइ अक्सीजन सहितकाे सुविधा दिन उनले बताए । त्यसैगरी उनले गम्भीर प्रकृतिका बिरामीलाई भने अन्य अस्पतालमा रेफर गरिने बताए ।

कोरोना संक्रमणको दोस्रो लहर शुरु भएयता बिर्तामोडमा एकजनाको मृत्यु हुनुका साथै नयाँ भेरियन्टका सक्रिय संक्रमितको सँख्या २०३ पुगेको छ । बिर्तामोडमा हालसम्म कोरोना संक्रमणबाट १४ जनाको मृत्यु भएको छ ।

झापा जिल्लामा नयाँ संक्रमितको संख्या ९ सय नाघेको जिल्ला स्थित जनस्वास्थ्य कार्यालयले जनाएको छ ।