दमक। मृगौला पिडित मन बहादुर दर्नाल विश्वकर्माको परिवारले उहाँको उपचारको लागि सहयोगको याचना गरेको छ । वि.पी.कोइराला स्वास्थ्य विज्ञान प्रतिष्ठान धरानमा उपचार गरीरहेका मनबहादुरको उपचारको लागि विश्वकर्मा परिवारले सहयोगको याचना गरेको हो ।

झापाको बुधवारे घर भई रोजगारीको सिलसिलमा इलामको सूर्योदय नगरपालिका वडा न १२ बस्दै आएका मन बहादुरको दुवै मृगौलामा खराबी भएको उहाँका आफन्त कमल विश्वकर्माले बताए ।

वि.पी.कोइराला विज्ञान प्रतिष्ठान धरानमा उपचार गरी रहेको र अहिलेसम्म १५ लाख रुपैयाँ बढी रकम खर्च भइसकेको विरामीको श्रीमती शोभा विश्वकर्माले बताइन् । अलि–अलि भएको घरको जायजेथा पनि सकियो सहयोग माग्न पनि झन्झट लाग्दो बिभिन्न प्रकृया पुरा गर्नु पर्ने रहेछ शोभाले गुनासो पोखिन् ।

भएको एउटा १७ वर्षीय छोरो पनि पढ्न छोडेर बुवाको उपचारमा बस्नु परेको उनकी आमा बताउँछिन् । विरामीको अझै उपचार सफल पार्न करिब १५ लाख रुपैयाँ आवश्यक पर्ने चिकित्सकहरुले सल्लाह दिएको विश्वकर्मा परिवारले जनाएको छ । प्राइम बिकास बैंक खाता नम्वर १०४०००२६१ तीनघरे इलाम शाखामा सहयोगी मनहरुले मनबहादुरलाई सहयोग गर्न सक्नु आफन्त कलम विश्वकर्माले बताए ।