दमक। झापा दमकका अग्रज पत्रकार गञ्ज बहादुर दाहाल सहित १ नं. प्रदेशका ४ जना अग्रज पत्रकारहरुलाई प्रादेशिक पत्रकारिता पुरस्कार प्रदान गरिने भएको छ ।

दमकलाई कर्मथलो बनाई विगत ३ दशक देखि निरन्तर पत्रकारिता गरिरहनु भएका दाहाल पूर्व सन्देश दैनिक र जनज्योति साप्ताहिकका सम्पादक तथा प्रकाशक समेत हुन् ।

राष्ट्रिय पत्रकारीता दिबसका अबसरमा उनीहरुलाई पुरस्कृत गर्न लागिएको १ नं. प्रदेशको आन्तरिक मामिला तथा कानून मन्त्रालयले जनाएको छ ।

झापाका अग्रज पत्रकार गञ्जबहादुर दाहाल र गोविन्दचन्द क्षेत्री त्यसैगरी मोरङकी ललिता भट्टराई र उदयपुरका कौशल चेम्जोङलाई यो पुरस्कारद्वारा सम्मान गरिने भएको छ ।

मन्त्रालयले अघिल्लो बर्ष र यस वर्षको गरि दुवै वर्षको पुरस्कार एकै पटक घोषणा गरेको हो । पुरस्कारको राशि जनही एक लाख र सम्मानपत्र रहेको छ । मन्त्रालयका अनुसार कोरोनाका कारण पुरस्कार बितरण गर्न नसकिएको र परिस्थिति सहज भएपछी पुरस्कार हस्तान्तरण गरिने जनाएको छ ।

पुरस्कार छनौट समितिमा नेपाल पत्रकार महासंघ प्रदेश १ का अध्यक्ष लिलाबल्लभ घिमिरे र निवर्तमान अध्यक्ष बिक्रम लुइँटेल रहेका थिए ।