विराटनगर। १ नं. प्रदेशका आर्थिक मामिला तथा योजनामन्त्री टंक आङ्बुहाङले १५ लाख रकमसहित १० शैय्या र पिपिइलगायतका सामग्री ताप्लेजुङका लागि पठाएका छन् । जिल्लामा कोरोना संक्रम बढेपछि आइसोलेशन निर्माण तथा सञ्चालन गर्न सो रकम सहितको अत्यावश्यक सामान पठाइएको हो ।

कोभिड–१९ नियन्त्रण लागि तत्काललाई १ नं. प्रदेश सामाजिक विकास मन्त्रालयमार्फत १५ लाख रुपैयाँ मन्त्री आङ्बुहाङ मार्फत पठाइएको उनका स्वकीय सचिव नारद गुरागाईँले जनाकारी दिएका छन् ।

हाललाई स्टेन, टुलबक्सलगायत १० थान शय्या, २०० थान पिपिइ सेट, ३०० थान स्वाब सङ्कलन गर्ने कीटबक्स, ४५ थान थर्मलगन र मास्क र स्यानिटाइजरसहितका सामग्री ताप्लेजुङका लागि पठाइएको गुरागाईँले जनकारी दिए ।

स्वास्थ्य सामग्री आज(शुक्रबार) ताप्लेजुङको सदरमुकाम फुङ्लिङमा आइपुग्ने गुरागाईँले बताउनुभयो । ताप्लेजुङसहित प्रदेश नं १ का हिमाली जिल्लाका लागि पिसिआर परीक्षण मेसिनसमेतको खोजी भइरहेको गुरागाईँले जानकारी दिएका छन् ।