आज संसदमा विश्वासको मतका लागि मतदान हुँदै

,   लिम्बुवान न्युज
                       

लिम्बुवानखबर, २७ वैशाख। प्रधानमन्त्री केपी शर्मा ओलीले विश्वासको मत लिने प्रयोजनका लागि आह्वान गरिएको संसदको विशेष अधिवेशन बैठक आज दिउँसो १ बजे बस्दै छ ।

बैठक सुरु हुनेबित्तिकै सभामुखले राष्ट्रपति कार्यालयबाट प्राप्त पत्र पढेर सुनाउने छन् त्यसपछि प्रधानमन्त्री ओलीले मन्तव्य सहित विश्वासको मत माग्नेछन् । त्यस उपर छलफल हुनेछ । दलीय आधारमा सांसदहरुले आफ्नो मत राख्नेछन् । अनि प्रधानमन्त्रीले छलफलको क्रममा उठेका प्रश्नहरुको जवाफ दिनेछन् ।

प्रधानमन्त्रीः केपी शर्मा ओली

यस पश्चात विश्वासको मतको प्रस्ताव उपर निर्णय प्रक्रिया अघि बढ्नेछ । यो प्रस्ताव मतदान मार्फत टुंगो लाग्नेछ । सांसदहरुले आफ्नो हस्ताक्षर सहित मतदानमा सहभागी हुनेछन् । संसद सचिवालयको रजिष्टरमा तीनवटा कोलम हुन्छ, हुन्न र मत दिन्न लेखिएको मध्ये एउटा कोलममा सांसदहरुले हस्ताक्षर गर्नेछन् । कोरोनाबाट संक्रमित सदस्यहरुले पनि मतदान गर्न पाउने गरी विशेष व्यवस्था मिलाइएको संसद सचिवालय जनाएको छ ।

अहिलेको दलहरुको गठबन्धनलाई हेर्ने हो भने प्रधानमन्त्री ओलीले विश्वासको मत प्राप्त गर्न सम्भावना अत्यन्तै न्यून रहेको आकलन गरिएको छ । हाल प्रधानमन्त्री ओलीको दल नेकपा एमालेमा १२१ सांसद छन् । प्रधानमन्त्रीले विश्वासको मत पाउन १३६ मत चाहिन्छ ।

६१ सांसद भएको प्रमुख विपक्षी दल नेपाली कांग्रेस र ४९ सांसद भएको माओवादी केन्द्रले प्रधानमन्त्रीलाई मत नदिने निर्णय यस अघि नै भनिसकेको छ । संसदको निर्णायक मत भएको जनता समाजवादी पार्टी (जसपा)को ३२ सांसद छन् । तर, जसपाको बाबुराम भट्टराई–उपेन्द्र यादव पक्षले यसअघि नै ओलीको विपक्षमा उभिने बताई सकेका छन् । महन्थ ठाकुर–राजेन्द्र महतो पक्ष तठस्थ बस्ने सांसदलाई ह्वीप जारी नगरेर स्वतन्त्र छाडिदिएको छ ।

नेकपा (एमाले)ले सांसदलाई ह्वीप जारी गर्दै विश्वासको मतको पक्षमा मतदान गर्न भनेको छ । तथापि एमालेकै माधव नेपाल–झलनाथ खनाल पक्षले मत दिने या फ्लोर क्रस गर्ने हुने निर्णय आउन सकेको छैन । तर, माधव–झलनाथ पक्षकासबैले ओलीलाई मत दिए पनि सरकार टिकाउन थप १५ मत अपुग हुने आंकलन गरिएको छ ।

संसदमा नेमकिपा, जनमोर्चा, राप्रपा र स्वतन्त्र १÷१ जना सांसद छन् । राप्रपाले यस अघि नै प्रधानमन्त्रीलाई मत दिने वताइसकेको छ । यस हिसाबले प्रधानमन्त्री ओलीले विश्वासको मत नपाउने संकेत देखिएको छ ।

 

सम्बन्धित समाचार

प्रदेश १ को भाषा विधेयक प्रदेश प्रमुखद्वारा प्रमाणीकरण, सरकारी कामकाजमा भाषासम्बन्धी कानुन कार्यान्वयनको बाटो खुला

विराटनगर, १२ कार्तिक । प्रदेश १ को भाषा विधेयक प्रदेश प्रमुख परशुराम खापुङद्वारा प्रमाणीकरण गरिएको छ। गत असोज २४ गते प्रदेश सभाबाट पारित भएको उक्त भाषा विधेयकलाई प्रदेश प्रमुख खापुङले बुधबार प्रमाणीकरण गर्नुभएको हो। प्रदेश प्रमुख...

दमक–चिसापानी सडक निर्माणका लागि महालक्ष्मी–जय धनन्जय जेभी छनोट

झापा/दमक — लामो समयदेखि पर्खाइमा रहेको दमक–चिसापानी (फाल्गुनन्द मार्ग) सडक निर्माणका लागि नयाँ ठेकेदार कम्पनी छनोट भएको छ। सडक विभागअन्तर्गत संघीय सडक सुपरीवेक्षण तथा अनुगमन कार्यालय, इटहरीको सडक डिभिजन दमकले ठेक्का स्वीकृतिको प्रक्रिया अघि बढाउँदै...

झापा महिला गोल्डकप फुटबलको दोस्रो संस्करण मंसिर ५ देखि, विजेताले ११ लाख पाउने

दमक, ९ कार्तिक । झापा महिला गोल्डकप अन्तर्राष्ट्रिय आमन्त्रण फुटबल प्रतियोगिताको दोस्रो संस्करण आगामी मंसिर पहिलो साताबाट आयोजना हुने भएको छ। आयोजक झापा महिला गोल्डकपले आइतबार पत्रकार सम्मेलन गर्दै प्रतियोगिता मंसिर ५ गतेदेखि १२ गतेसम्म...

लिम्बू र मैथिली सहित १३ राष्ट्रभाषाले पाए सरकारी कामकाजको मान्यता: भाषा विधेयक सर्वसम्मतिले पारित

विराटनगर, २४ असोज/ प्रदेश १ कोशी प्रदेशमा भाषिक विविधता र न्यायलाई समेट्दै एक ऐतिहासिक कदम चालिएको छ। कोशी प्रदेशसभाबाट ‘सरकारी कामकाजको भाषा सम्बन्धमा व्यवस्था गर्न बनेको विधेयक’ सर्वसम्मतिले पारित भएको छ। यो विधेयक पारित भएसँगै...

;