तस्वीरः पूर्वाञ्चल दैनिक
विर्तामोड। जिल्ला सहकारी संघ, झापाले नेपाल पत्रकार महासंघ, झापा शाखालाई पत्रकारको स्वास्थ्य सुरक्षाका लागि स्वास्थ्य सुरक्षा सामग्री प्रदान गरेको छ । आज (मंगलबार) बिर्तामोडस्थित सहकारी संघको कार्यालयमा एक कार्यक्रमका बिच सामग्री प्रदान गरिएको हो ।
संघको तर्फबाट अध्यक्ष गणेश ढकाल, सचिव भानु दंगाल (भवानी) र क्षेत्रीय सदस्य केशव बस्नेतले पत्रकार महासंघ झापाका अध्यक्ष एकराज गिरीलाई स्वास्थ्य सुरक्षा सामग्रीहरु गुणस्तरीय मास्क तीन सय प्याकेट, सेनिटाइजर र फेससिल तीन÷तीन सय थान, अक्सिमिटर २० थान हस्तान्तरण गरेका हुन् ।
सहकारी संघका अध्यक्ष ढकालले संकटको घडीमा फ्रन्टलाइनमा रहेर काम गरिरहेका झापाली पत्रकारहरुको स्वास्थ्य सुरक्षाका लागि सहयोग प्रदान गरिएको बताए । उनले झापा जिल्लाका सुरक्षाकर्मीका लागि ६ लाख भन्दाबढीको सामग्री केही दिन अघि संघले हस्तान्तरण गरेको पनि जानकारी दिएका छन् ।
संकटको यो घडीमा सहयोग गरेकोमा महासंघका झापा अध्यक्ष गिरीले सहकारी संघलाई धन्यवाद दिदै सहकारी संघसंग उद्देश्य मिल्ने अभियानमा सहकार्य गर्ने र संघका कार्यमा सहयोग गरेर जाने बताए ।
उक्त हस्तान्तरण कार्यक्रममा महासंघ झापाका उपाध्यक्ष केशव भट्टराई, कोषाध्यक्ष रञ्जित प्रसाईं, कार्यसमिति सदस्यहरु रञ्जित परियार, बिनोद पाण्डे, केन्द्रीय परिषद् सदस्य ज्ञानेन्द्र निरौला, सदस्य राजेन्द्र गौतम लगायतको सहभागिता रहेको थियो ।
Related