लिम्बुवानखबर । शेर्पा भाषालाई प्रचारप्रसार गर्न थप मद्दत पुर्‍याउने उद्देश्यले अनलाइन एकल शेर्पा गायन प्रतियोगिता २०२१ हुने भएको छ । शेर्पा इभेन्ट अर्गनाइजरको आयोजनामा हुने उक्त प्रतियोगिताका विजेताले १५ हजार र आकर्षक पुरस्कार पाउने छन् ।

यसरी नै प्रतियोगिताको दोस्रो हुनेले १० हजार, तेस्रो र पब्लिक च्वाईस विजेताहरुले ५/५ हजारको पुरस्कार राशी पाउने वताइएको छ ।

एक शेर्पा गायन प्रतियोगितामा सहभागी बन्नेहरुले जेष्ठ १५ भित्रमा भिडियो आयोजकलाई पठाइ सक्नु पर्ने जनाएको छ । प्रतियोगीले अनिवार्य रुपमा शेर्पा भाषाबाटै आफ्नो परिचय पनि दिनुपर्नेछ । लोपोन्मुख शेर्पा गीतलाई विशेष प्राथामिकता दिइने प्रतियोगितामा प्रतियोगीले शेर्पा भाषाको जुनसुकै विधाको गीत गाउन पाउने जनाएको छ ।

प्रतियोगितामा सहभागीले शेर्पा पहिचान झल्किने भेषभुषा लगाएको हुनु पर्नेछ । गीत सम्पादन गरेर बनाइएको भिडियो मान्य नहुने आयोजकले जनाएको छ । विजेताको छनौट भने टाइमिङ, शब्द उच्चारण, प्रस्तुती, लय कला शैली, फेसबुक लाईक र शेयरको आधारमा गरिने बताइएको छ ।

प्रतियोगिहरुलाई भिडियो पठाउन वाटएप्स, भाइवरको माध्यमबाट मोवाइल नम्बर ९८४९६५५८८४ र ९८०८२५२४०८ मा अथवा sherpaeventorganizer12@gmail.com इमेल ठेगानामा पठाउन आयोजकले अनुरोध गरेको छ । शेर्पा इभेन्ट अर्गनाइजरको फेसबुक पेजमा पोष्ट भएको सामग्रीलाई अनुमति नलिई पोष्ट नगर्न आयाेजकले आग्रह गरेको छ ।