• बालकुमारी ताम्ली (सजन)

धरान । सुनसरीको धरानमा हतियारधारी युवाको एक समूहले अस्थायी प्रहरी चौकीभित्र प्रवेश गरी बिहीबार साँझ प्रहरी माथि आक्रमण गरेका छन् ।

आक्रमणमा परी नयाँ बसपार्कमा रहेको अस्थायी प्रहरी चौकी धरान १५ का इन्चार्ज प्रहरी सहायक निरीक्षक सुमन दाहाल र हवल्दार विजय यादव घाइते भएका छन् ।

स्थानीयवासीका अनुसार धरान ३ बस्ने प्रसान लिम्बूलाई बारम्वर फोनबाट धम्कि आएपछि उजुरी दिन आएको युवालाई पछिबाट आएको ७÷८ जना युवाहरुको समूहले उजुरी दिने युवालाई चौकी भित्र नै आक्रमण गर्न खोजेका थिए । उनीहरुलाई रोक्न खोज्दा चौकी इन्चार्ज लाई खुकुरी प्रहार गरेका थिए । घाइते दुवैजनाको धरान विपि कोईराला विज्ञापन प्रतिष्ठानको आकस्मिक कक्षमा उपचार भईरहेको इलाका प्रहरी कार्यालय धरानले जनाएको छ ।

प्रहरीले उजुरी गर्न आएकालाई जोगाएको थियो । उजुरी गर्न आउनेहरुलाई फोनबाट धम्की दिनेहरुले नै आक्रमण गरेको र उनीहरुको खोजी कार्यभईरहेको इलाका प्रहरी कार्यालय धरानका निरीक्षक हेमराज ओलीले जानकारी दिएका छन् ।

वडा नं. १५ को वडा कार्यालय नजिकै रहेको चौकी भित्र साँझ ७ः३० बजे आक्रमण भएको वडाध्यक्ष नरेशकुमार इवारमले बताए । उक्त प्रहरी चौकीमा असईको नेतृत्वमा ४ प्रहरी कार्यरत रहेका छन् ।