रहेनन् स्वरका धनी जनम थुलुङ्

 लिम्बुवान न्युज
                       

लिम्बुवानखबर। गायक तथा संगीतकार जनम थुलुङको बिहीबार राति असामयिक निधन भएको छ । दुई हप्ताअघि मात्र कोरोना संक्रमण पुष्टि भएको थुलुङ्को कोरोनाभाइरस संक्रमणबाट उनको निधन भएको हो ।

ललितपुरको कुपण्डोलस्थित सर्वाङ्ग अस्पतालमा उपचारको क्रममा उनको निधन भएको हो । स्रोतका अनुसार कोराना संक्रमित हुँदा घरमै आराम गरिरहेका उनी निकै गाह्रो भएपछि मात्र अस्पताल पुगेर आइसियुमा उपचाररत थिए ।

उनले दुई वर्षअघि मुन्दुम संस्कारमा वर्णन हुने किरातीहरुको शक्ति केन्द्र ‘खुवालुङ’सम्बन्धी एउटा गीत गाएका थिए । ‘खुवालुङ खुल खुल खुल’ बोलको उक्त गीतमा उनले नै संगीत र स्वर दिएका थिए । उनले उक्त गीत दुई हप्ताअघि मात्र पुनः आफ्नो नामको युट्युब च्यानलमा राखेका थिए ।

उक्त गीतको रचनाकार भने हाल किरात राई यायोक्खाका केन्द्रीय सदस्य तथा किरात राई लेखक संघका अध्यक्ष रहेका खुक्सङ खम्बू हुन् । जनम थुलुङ खुक्सङकै आफ्नै कान्छा भाइ हुन् ।

खोटाङको ऐसेलुखर्क गाउँपालिका वडा नं ५ रिब्जुङ महेश्वरी घर भएका उनले संगीतको माध्यमबाट भाषा संस्कृतिहरुको संरक्षण तथा प्रवद्र्धन गर्ने प्रयास गरिरहेका थिए । उनले थुलुङ राईका दुई वटा एल्बम र खस नेपाली भाषाका एउटा एल्बम ल्याएका थिए ।

उनले दुई दर्जन भन्दा बढी गीतहरुमा संगीत तथा स्वर दिएका थिए । जनम थुलुङको असामयिक निधनप्रति किरात राई यायोक्खाका अध्यक्ष दिवस राईले श्रदाञ्जलीसहित दुःख व्यक्त गरेका छन् ।

किरात समुदायका अग्रज तथा अभियान्ताहरुले सामाजिक सञ्जाल फेसबुकबाट समेत थुलुङको निधनप्रति दुःख व्यक्त गरेका छन् । उनको शुक्रबार बिहान नेपाली सेनाले अन्तिम संस्कार गरेको खबर छ ।

सम्बन्धित समाचार

दलित भनेर कोठा नदिएको अभियोगमा एक महिला पक्राउ

काठमाडौं। दलित भएकै कारण कोठा दिन नमानेको आभियोगमा एक महिला पक्राउ परेकी छिन् । सञ्चारकर्मीसमेत रहेकी रुपा सुनारलाई दलित भएकै कारण कोठा नदिएको आरोपमा प्रहरीले बबरमहलकी सरस्वती प्रधानलाई आइतबार पक्राउ गरेको हो । दलित भएकै...

जसपानिकट कानून व्यवसायीद्वारा ठाकुरविरुद्ध कीर्ते जालसाजीमा मुद्दा दर्ता गर्दै

काठमाडौँ ०६, असार। जनता समाजवादी पार्टी, नेपाल (जसपा) निकट कानून व्यवसायीले महन्थ ठाकुर र राजेन्द्र महतो समूह विरुद्ध अदालतमा किर्ते जालसाजी मुद्दा दर्ता गर्ने तयारी गरेका छन् । अल्मतमा परेका जसपाका अध्यक्ष महन्थ ठाकुरले अर्कै...

सर्वोच्चद्वारा पत्रकारलाई कोभिड विरुद्धको खोप लगाउने ब्यवस्था गर्न सरकारलाई अन्तरिम आदेश

काठमाडौं, ६ असार। सर्बोच्च अदालतले पत्रकारहरुलाई प्राथमिकता दिएर कोभिड–१९ विरुद्ध खोप उपलब्ध गराउने ब्यवस्था मिलाउन सरकारका नाममा अन्तरिम आदेश दिएको छ । पत्रकार तथा अधिवक्ताद्वय लीलानाथ धिमिरे र बिष्णु गिरी निश्चलले फन्टलाइनमा कार्यरत सबै पत्रकारलाई...

दमकमा स्काउटको ७०औं स्थापना दिवस विरुवा गोडमेल गरी मनाइयो

दमक/झापाको दमकमा नेपाल स्काउटको ७०औं स्थापना दिवस मनाइएको छ । शनिबार दमक ३ बेलडाँगी स्थित हंसेदुम्से सामुदायिक बन क्षेत्रमा रोपिएका फलफुलका विरुवा गोडमेल गर्दै वातावरण संरक्षणको सन्देश दिदैं स्काउटरहरुले मनाएका हुन् । दमक नगरपालिका उपप्रमुख...