दमक। अस्तित्व र पहिचानको निम्ति खुल्ला अनलाइन कविता प्रतियोगिताका विजेताहरुलाई पुरस्कार हस्तान्तरण गरिएको छ । आइतबार भर्चुअल जुम मार्फत भएको पुरस्कार वितरण गरिएको कार्यक्रम संयोजक संघीय लेखक मञ्च, प्रवास कार्य समिति मलेसियाका अध्यक्ष जनम लिङ्दमले जनाएका छन् ।
प्रतियोगितामा पाँचथरका मचिन्द्र लोवा (सेमी) प्रथम भएका थिए उनले नगद १ लाख १०५ रुपैयाँ हात पारेका छन् । त्यसैगरी द्वित्तीय पुरस्कार जित्दै इलाम माङसेबुङका मनिभक्त राईले ५० हजार १०५ रुपैयाँ पाएका छन् भने इलामकै सुर्योदय नगरपालिका १ का अन्जिला अर्पणा थामीले २५ हजार १०५ रुपैयाँ र झापा दमकका अवि चेम्जोङले सान्तवना पुरस्कार १० हजार १०५ रुँपैयाँ हात पारेका छन् ।
५६ वटा कविताहरु मध्येबाट दोस्रो चरणमा १६ वटा कविता छनौट गरी सोही कविताहरु मध्येबाट पब्लिक च्वाइस र जजहरुको मूल्याङकनको आधारमा विजेताहरुको छनौट गरिएको थियो ।
पुरस्कार वितारण कार्यक्रममा प्रमुख अतिथि संघीय लेखक मञ्चका अध्यक्ष मधु केरुङ्ले विजयी कविहरुलाई शुभकामना व्यक्त गरेका थिए । त्यसैगरी कार्यक्रममा विशेष अतिथि संघीय लेखक मञ्च केन्द्रिय बरिस्ठ उपाध्यक्ष तथा कवि आदरणीय ब्यक्तित्व पुष्पहाङ लोरिङ्देन लोवा, पहिचानवादी कवि इक्साहाङ चेम्जोङ, संघीय लिम्बुवान मञ्च पाँचथरका पुर्ब अध्यक्ष तथा साहित्यकार सागर केरुङ, संघीय लेखक मञ्च नेपालका केन्द्रिय महासचिव साङ्सेन जितेन पन्धाक, संघीय लिम्बुवान सामाजिक मञ्च मलेसियाका नेताहरुको सहभागिता रहेको थियो ।
समापन तथा पुरस्कार वितरण कार्यक्रमको संयोजन मलेसियाबाट लेखक मञ्च मलेसियाका अध्यक्ष तथा अनलाइन कविता प्रतियोगिताका संयोजक जनम लिङ्दमले गरेका थिए ।
Related