लुम्बिनीमा ४ दिनसम्म बुद्ध जयन्ती विभिन्न कार्यक्रम गरी मनाईदै

 लिम्बुवान न्युज
                       

लिम्बुवानखबर संवाददाता । २५६६ औं बुद्ध जयन्ती रुपन्देही, कपिलवस्तु र नवलपरासीमा गरी चार दिनसम्म मनाइने भएको छ ।
कोरोना महामारीका कारण लगातार २ वर्षसम्म औपचारिक समारोहबीच बुद्ध जयन्ती मनाउन सकिएको थिएन ।

बुद्धको जन्मस्थल लुम्बिनीमा जेठ १ गते देखि ४ गतेसम्म विभिन्न कार्यक्रम गरी बुद्ध जयन्ती मनाउने तयारी भएको लुम्बिनी विकास कोषले आइतबार पत्रकार सम्मेलन गरी जानकारी गराएको हो ।

बुद्ध जयन्ती मनाउन संस्कृति पर्यटन तथा नागरिक उड्डयन मन्त्री प्रेमबहादुर आलेको संयोजकत्वमा मूल समारोह समिति गठन भई त्यस अन्तर्गत विभिन्न उपसमितिहरु क्रियाशील रहेको कोषका सदस्य सचिव सानुराजा शाक्यले बताए ।

बुद्ध जयन्तीकै अवसर पारेर लुम्बिनीमा निर्माण सम्पन्न भएको ५ हजार क्षमताको अन्तर्राष्ट्रिय बौद्ध सम्मेलन तथा ध्यान केन्द्रको प्रधानमन्त्री शेरबहादुर देउवाले उद्घाटन गर्ने कार्यक्रम रहेको शाक्यले बताए ।

रामग्राम नवलपरासीमा जेठ १ गते साँझ ४ बजेबाट बौद्ध प्रवचन तथा दिप प्रज्ज्वलन, २ गते रामग्राम नगरपालिकाद्वारा रामग्राम दिवस, भोजनदान, जेष्ठ २ गते विहान ६ बजे मायादेवी मन्दिर परिसरमा बुद्ध पूजा तथा परित्राण पाठ र मायादेवी परिसरदेखि शान्ति दिपसम्म शोभा यात्रा हुने आयोजकले जनाएको छ ।

त्यस्तै जेठ २ गते विहान ९ बजे प्रधानमन्त्रीबाट अन्तर्राष्ट्रिय बौद्ध सम्मेलन तथा ध्यान हलको उदघाटन गरिने लुम्बिनी विकास कोषका कोषाध्यक्ष एवं प्रचार प्रसार संयोजक सिद्धचिरण भट्टराईले बताए ।

यस्तै जेठ २ गते नै विहान १० बजेदेखि इष्ट मोनाष्टिक जोनको कम्बोडिया मोनाष्ट्रि र इष्ट पोण्डमा भोजन दान, दिउँसो २ बजे अन्तर्राष्ट्रिय बौद्ध सम्मेलन तथा ध्यान हलमा २५६६ औं बुद्ध जयन्ति समारोह प्रधानमन्त्री शेरबहादुर देउवाको प्रमुख आतिथ्यतामा तथा विशिष्ट अतिथिहरुको उपस्थितिमा विशेष समारोह गरी मनाइने भट्टराईले बताए ।

यस्तै दिउसो ५ बजेदेखि सोही हलमा सुरसुधाको सांगीतिक कार्यक्रमको प्रस्तुति, साँझ लुम्बिनीको मायादेवी परिसरमा दिप प्रज्ज्वलन गरिने कार्यक्रम छ । यसैगरी जेष्ठ ३ गते लुम्बिनीदेखि कपिलवस्तुसम्म सिद्धार्थ गौतमको शोभायात्रा, प्राचीन शाक्य गणराज्यको राजधानी कपिलवस्तु तिलौराकोटलाई विश्व सम्पदामा सूचीकृत गर्ने सम्बन्धी देश विदेशका विज्ञहरुको सहभागितामा २ दिने तिलौराकोट सम्मेलन रहेको छ । (अनलाइनखबरबाट)

सम्बन्धित समाचार

स्वतन्त्र उम्मेदवार हर्क साम्पाङ बने धरानकाे प्रमुख, उप–प्रमुखमा माओवादीका बेघा

धरान, ८ जेठ । धरान उपमहानगरपालिकाको प्रमुख पदमा स्वतन्त्र उम्मेदवार हर्कराज राई (साम्पाङ) विजयी भएका छन् । त्यसैगरी उप–प्रमुखमा भने नेकपा माओवादी केन्द्रका आइन्द्रबिक्रम बेघाले बाजी मरेका छन् । साम्पाङ आफ्ना निकटम प्रीतद्वन्द्वीलाई ४७६२ मतान्तरले...

रेशम चौधरीको पार्टीबाट चार पालिका प्रमुखसहित ९९ जना निर्वाचित

लिम्बुवानखबर, ८ जेठ । रेशम चौधरीको नेतृत्वमा बनेको नागरिक उन्मुक्ति पार्टीले कैलाली जिल्लामा ४ पालिका प्रमुख सहित ९९ जना निर्वाचित भएका छन् । उन्मुक्तिले चार पालिका प्रमुख र तीनवटा उपप्रमुख समेत रहेका छन् । यि...

सरकारद्वारा ६५ बर्षमै वृद्धभत्ता दिने तयारी

विशेषगरी एमाले नेतृत्वको सरकारले सामाजिक सुरक्षा भत्तालाई भोट राजनीतिमा प्रयोग गर्दै आएकोमा प्रधानमन्त्री शेरबहादुर देउवाले पनि त्यसलाई निरन्तरता दिन लागेका छन् । मुलुकको अर्थतन्त्रको क्षमताअनुसार सामाजिक सुरक्षाभत्ताको दायरा बढाउन कठिन भए पनि वर्तमान सरकारले ६५...

किशोरी बलात्कार आरोपी मनोज पाण्डे आठ बर्ष पछि पक्राउ

आठ वर्षअघि एक किशोरीलाई बलात्कार गरेको आरोप लागेका मोडल ग्लोबल भिसाज कन्सल्टेन्सीका सञ्चालक मनोज पाण्डेलाई प्रहरीले पक्राउ गरेको छ । शनिबार दिउँसो काठमाडौंबाट उनलाई प्रहरीले पक्राउ गरेको स्रोतले जनाएको छ । काठमाडौं उपत्यका अपराध अनुसन्धान...