धरान, ८ जेठ । धरान उपमहानगरपालिकाको प्रमुख पदमा स्वतन्त्र उम्मेदवार हर्कराज राई (साम्पाङ) विजयी भएका छन् । त्यसैगरी उप–प्रमुखमा भने नेकपा माओवादी केन्द्रका आइन्द्रबिक्रम बेघाले बाजी मरेका छन् ।

साम्पाङ आफ्ना निकटम प्रीतद्वन्द्वीलाई ४७६२ मतान्तरले पछि पार्दै साम्पाङ विजयी भएका हुन् । उनले २०८२१ मत प्राप्त गरे भने उनका निकटतम् प्रतिद्वन्द्वी सत्ता गठबन्धनतर्फबाट नेपाली काँग्रेसका उम्मेदवार किशोर राईले १६०५९ मत मात्र पाएका छन् ।

उप–प्रमुखमा सत्ता गठबन्धनतर्फबाट माओवादी केन्द्रका उम्मेदवार बेघा २०५१० मतसहित निर्वाचित भएका छन् । उनका निकटतम् प्रतिस्पर्धी नेकपा एमालेका पदम इस्बो लिम्बूले १७६०६ मत पाए । लिम्बूलाई बेघाले २९०४ मतान्तरले पराजित गरेका हुन् ।

धरानमा जम्मा ६२८९८ मत खसेको थियो । प्रमुख दलहरूले नपत्याएका साम्पाङले लाैरी चुनाव चिन्ह लिएर स्वतन्त्र उम्मेदवार भइ धराने जनताकाे अभित लिएर चुनाव जितेका छन् ।