काठमाडौं, १८ वैशाख (१ मे, २०२५) । हङकङमा संयुक्त पहिचानवादी मञ्च (मोर्चा) प्रवास समिति विस्तार भएको छ । आज मे १ तारिक अन्तराष्ट्रिय मजदुर दिवसको अवसरमा आयोजित कार्यक्रममा शमशेर तुम्बाहाम्फेको संयोजकत्वमा समिति विस्तार भएको हो ।

मोर्चाका संयोजक डा. महेन्द्र लावतीको प्रमुख आतिथ्यतामा हङकङमा आयोजित कार्यक्रममा प्रवास समिति गठन भएको जनाइएको छ ।

उक्त कार्यक्रमले समितिको सदस्य सचिवमा आइन्बा पोमु, कोषाध्यक्षमा खगेन्द्र लाओती र प्रवक्तामा हाङ्सो अरुम्हाङ् रहेका छन् । यसरी नै सदस्यहरुमा चन्द्रमान पाख्रिन, रबिन नाल्बो, मौसम इम्बुङ, माया कुरुम्बाङ, तिलक गुरुङ, कमानध्वज लाओती, माया राई, नविन सुहाङ, तिलक सोमै मगर, एन्जिला शेर्पा र लोकेन थाम्सुहाङ रहेका छन् ।

त्यस्तैगरी सल्लाहकारहरुमा एमबि थापा मगर, रविन लिङदेन, जीवन मेयाङ्बो, जेबि ओख्राबु, कृष्णराज लाओती र टंक सम्बाहाम्फे रहेका छन् ।

हङकङमा आयोजित “नेपाली माटोको लागि एकात्मक सत्ताको विरुद्ध ऐतिहासिक पहिचानको संघर्ष किन ?” शिर्षक डा. लावतीले आफ्नो विचार राखेका छन् । नेपाल संघीय लोकतान्त्रिक गणतन्त्र मुलुक भनिएता पनि संविधान अक्षरस पालना नभई व्यवहारमा लागू गर्न नसकेको कारण देशमा पहिचान मुद्दा ओझेल परेको हो – अन्तरक्रियामा डा. लावतीले बताउनु भयो ।

कार्यक्रममा हङकङमा रहेर पहिचान आन्दोलनलाई सहयोग र सद्भाव राख्नुहुने विशिष्ट मानुभावहरुको सहभागिताको थियो ।