ललितपुर, १९ वैशाख । नेपाली कथानक चलचित्र ‘मुन्धुम’को ७० प्रतिशत छायांकन सम्पन्न भएकाे छ । गत चैत २१ गतेदेखि संखुवासभा र ताप्लेजुङ लगायत विभिन्न स्थानहरूमा छायांकन भैरहेको चलचित्रका निर्देशक प्रकाश सुब्बा हुन् ।

लिम्बू याक्थुङ समुदायको साम्सामा (मृतात्माको यात्रा) मुन्धुम बारे याे चलचित्र बन्न लागेको हाे ।

फक्ताङ्लुङ फिल्म्स प्रा.लि.काे ब्यानरमा याे चलचित्र निर्माण भइरहेकाे जनाइएकाे छ । अब ३० प्रतिशत छाँयाङकन पश्चात याे चलचित्र २०८२ साल भित्रमा ठूलाे पर्दामा प्रदर्शनमा ल्याउने तयारी भइरहेकाे निर्देशक सुब्बाले बताउनु भयाे ।

चलचित्रमा प्रेम सुब्बा, अप्सरा सेर्मा, राज थापा काउचा, सागर केरुङ, विजय संयक, पुर्ण लिम्बू, सञ्जु थलङ, सागर सिङगल, सुदिप थक्लुङ लगायतको अभिनय रहेको छ । याक्थुङ जातिको शास्त्र मुन्धुममा आधारित चलचित्रलाई गंगामणि राइले छायांकन गरिरहेका छन भने कार्यकारिणी निर्माता आयुब केसि रहेकाछन् ।