ललितपुर, २० वैशाख । लिम्बू पत्रकार संघको पूर्ण बैठक तथा अन्तरकृया ३ बुँदे बिजयपूर घोषणापत्र जारि गर्दै सम्पन्न भएको छ । शनिबार सुनसरीस्थित धरानमा भएकाे साे बैठकबाट मुक्कुमलुङ आन्दोलनप्रति ऐक्यबद्धतासहित बिजयपुर घोषणापत्र जारि गरिएको हो ।

संघका अध्यक्ष सन्देश सुब्बाको अध्यक्षतामा बसेको बैठक तथा अन्तरकृयाले घोषणापत्रमा ‘मिडियामा समावेशी र समानुपातिक प्रतिनिधित्व सुनिश्चितताका लागि सञ्चारमाध्यम, सञ्चार गृह र राज्यको ऐन, कानूनहरु आदिवासी जनजाति, अल्पसंख्यक र सिमान्तकृत समुदाय, वर्ग र भूगोलमैत्री बनाउन माग’, ‘ताप्लेजुङमा अवस्थित प्रशिद्ध याक्थुङहरूकाे मुन्धुमीस्थल मुक्कुम्लुङमा निर्माण भइरहेकाे केबुलकार परियोजना आदिवासी याक्थुङ (लिम्बू) समुदायको आदिम मूल्यमान्यता, रैथाने दर्शन, पर्यावरण, परम्परा, प्रथाविपरीत रहेको ठहर गर्दै सशक्त रुपमा बौद्धिक र प्राज्ञिक हिसाबले सञ्चारमाध्यमहरुमा प्रतिरोध गर्ने र जारी नो केबुलकार अभियानमा ऐक्यबद्धता प्रकट गर्ने’ जनाइएको छ ।

त्यस्तै, विजयपुर दरबार परिसरमा रहेका ऐतिहासिक, पुरातात्विक र सांस्कृतिक महत्वको संरचनाहरुको संरक्षण, सम्बद्र्धन र प्रचारप्रसारका लागि राज्यका तीनै तहका सरकारहरु समक्ष सम्पदाका रुपमा सूचीकरण गर्न माग गर्ने घोषणापत्रमार्फत सार्बजानिक गरिएको छ ।

२२ चैत्र २०८१ मा लालिगुराँस नगरपालिकास्थित बसन्तपुरमा सम्पन्न संघको तेस्रो महाधिवेशन पश्चात याे दाेस्राे पूर्ण बैठक विविध विषयमा छलफल गर्दै अग्रज याक्थुङ संचारकर्मीहरूकाे उपस्थितिमा सम्पन्न भएकाे हाे ।

३ बुँदे विजयपुर घाेषणापत्र हेर्नुहाेस्ः