ललितपुर, २८ वैशाख । पहिचानवादी मोर्चा स्थापनाको एक बर्ष पुगेको छ । २०८१ वैशाख २७ गतेका दिन स्थापना भएको मोर्चाले शनिबार ललितपुर थसिखेलस्थित कार्यालयमा पहिलो बार्षिक उत्सव मनाएको हो ।
जसपा नेपाल लगायत विभिन्न राजनैतिक दलहरुबाट स्वतन्त्र भई पहिचान पक्षधरहरुले पहिचानवादी पार्टी निर्माणको निमित्त अन्य संगठनहरुसँग जोडिदै जाने भनी प्रोफेसर डा. महेन्द्र लावतीको संयोजकत्वमा मोर्चा बनेको हो ।
मोर्चाको बार्षिक उत्सवमा बोल्दै नेता खगेन्द्र माखिमले यो मोर्चामा सबै अटाउने र नयाँ राजनीतिक पार्टी निर्माण गर्दै देश जिम्मा लिने बताउनु भयो । त्यसैगरी डा. मित्र परियार, महिला नेत्री सरू सिंगकले माेर्चा निर्माणबारे प्रष्ट पारेका थिए ।
शनिबार आयोजित कार्यक्रममा नेकपा धर्मेन्द्र बास्तोला, बरिष्ठ पत्रकार भवानी बराल, आमूल परिवर्तनका अध्यक्ष दलमर्दन कामी, नेपाल जनमुक्ति पार्टी, नाउपा, नागरिक पहिलो अभियानका भुपेन्द्र नेम्बाङ लगायत विभिन्न संघ संगठन र राजनैतिक दलका नेताहरुले मोर्चालाई शुभकामना दिएका थिए ।
मोर्चाकै पहलमा चार संगठनले संयुक्त पहिचानवादी मोर्चा गरेको छ । नेपाल जनमुक्ति पार्टी, नाउपा, प्रदेश नं. १, प्रदेश नं. १ पुनः नामाकरण अभियान समिति र मोर्चाले नयाँ राजनीति पार्टी निर्माणको कार्य दिशा निर्माण गर्दै नयाँ पहिचानवादी पार्टी बनाउनेगरी मोर्चा बनेको नेताहरुले स्थापना दिवसमा खुलासा गरेका छन् । अब एक्लै एक्लै गएर गन्तव्यमा नपुगिने भएको हुँदा पहिचानको पक्षमा उभिएका पार्टीहरु मिल्नुको विकल्प नभएको उनूहरुले बताए ।
कार्यक्रम मोर्चाका आर्थिक संयोजक पूर्व मेजर असिम पालुङवाको स्वागत मन्तव्य तथा पहिचानवादी मोर्चा उपत्यका समितिका संयोजक टेक लावतीको सभाध्यक्षतामा सम्पन्न भएको थियो ।
ललितपुर, ७ असार । लामो प्रतीक्षापछि माध्यमिक तहको याक्थुङ (लिम्बू) भाषा अध्ययनका लागि तयार गरिएको ‘याक्थुङ कक्षा ९’ पाठ्यपुस्तक अब आगामी शैक्षिक सत्रदेखि पठनपाठनमा लागू हुने भएको छ। पाठ्यक्रम विकास केन्द्रअन्तर्गत मातृभाषा विषय समितिमा प्रस्तुत...
दमक, ७ असार । लिम्बू पत्रकार संघ पान्थरकाे अध्यक्षमा रजनी हाङसरुम्बा निर्वाचित भएका छन्। शनिबार पान्थरकाे फेदेनमा सम्पन्न संघको तेश्रो जिल्ला अधिवेशनले हाङसरुम्बाको अध्यक्षतामा नौ सदस्यीय नयाँ जिल्ला समिति चयन गरेको हो। उक्त अधिवेशनबाट उपाध्यक्षमा भूपेन योङहाङ, सचिवमा इवारा जेबगु, सहसचिवमा मनेन्द्र केरुङ आहुती र कोषाध्यक्षमा सुष्मा हाङसरुम्बा सर्वसम्मत चयन भएका छन्। यस्तैगरी सदस्यहरूमा इच्छा लिम्बु, तागेरा तावाहाङ, अशाेक लावती र पदम दुःखी सम्बाहाम्फे चयन भएकाे नव निर्वाचित अध्यक्ष हाङसरूम्बाले बताइन् । त्यस्तै प्रदेश महाधिवेशन...
फुङलिङ, २ असार । ताप्लेजुङस्थित धार्मिक पर्यटकीय स्थल तथा याक्थुङहरुको मुन्धुमी आस्थाको केन्द्र मुक्कुमलुङमा १० हजार विरुवा रोपिएको छ । आइतबार मुक्कुमलुङ ताङसेःप चुम्भो र मुक्कुमलुङ संरक्षण अन्तरदलीय संयुक्त संघर्ष समितिको आयोजनामा सयौं संख्यामा उपस्थित...
दमक, झापा । संयुक्त पहिचानवादी मोर्चा झापा जिल्ला हल्दीवारी गाउँपालिका समिति विस्तार भएको छ । सोमबार हल्दीबारीमा आयोजित एक कार्यक्रमले सन्त थाम्सुहाङको संयोजकत्वमा समिति विस्तार गरिएको हो । समितिमा सहसंयोजक चन्द्र मगर, सदस्यसचिवमा मनकुमार लिङखिम...
प्रकाशक:
माङ्गेन्ना पब्लिकेशन एण्ड मिडिया प्रा.लि.
प्रदेश न १ , दमक–१, झापा
सूचना विभाग द.नं. २१४६/०७७-७८
कम्पनी दर्ता नं. २४५४५३/०७७-०७८
प्रेस काउन्सिल दर्ता नं. २३१४/०७७-०७