ललितपुर, ३ जेठ । किरात याक्थुङ चुम्लुङ तेह्रथुम जिल्ला शाखा अन्तर्गत मेयङ्लुङ, छथर र  आठराइकाे शनिबार अधिवेशन सम्पन्न भएकाे छ । तीन स्थानीय तहकाे अधिवेशन कियाचू तेह्रथुम शाखाले एकैदिन सम्पन्न गरेकाे हाे ।

शनिबार कियाचु लिम्बुवान प्रदेश समितिका उपाध्यक्ष टंकमाया तिगेला(सिङ्गक) ज्युको प्रमुख आथित्यमा कियाचु जिल्ला शाखा तेह्रथुमको सभाहलमा मेयङलुङ नगर समितिकाे दाेस्राे अधिवेशन सम्पन्न गरिएको हो ।

साम थाम्देनको अध्यक्षतामा १५ सदस्य नयाँ समिति निर्विरोध रुपमा चयन भएको छ । समितिको उपाध्यक्षमा डम्वर खापुङ, सचिव अनिशा तेन्युङ, सहसचिव सुर्य थेगुवा र कोषाध्यक्षमा तुलामाय नेयङ निर्वाचित भएका छन् । यसरी नै सदस्यहरुमा गंगा माया तिगेला, पविना संबाङ्फे, देबि आङ्बुङ, देविनारायन संबाङ्फे, मिना निङ्लेकु, शन्तोश आङ्बुङ, लक्ष्मी तेन्युङ, पार्वती तेन्युङ, धनसुन्दर आङ्बुङ र प्रेम सोदेम्बा रहेका छन् ।

यसैगरी छथर शाखा तेह्रथुमको तेश्रो अधिवेशनबाट श्री नन्द प्रसाद तुम्खेवाको अध्यक्षतामा १४ सदस्यीय पालिका समिति सर्बसम्मत गठन भएको छ । छथर गाउँपालिका अध्यक्ष सन्तोस तिगेलाको प्रमुख अतिथ्यतमा नन्द प्रसाद तुमखेवाको अध्यक्षतामा नयाँ समिति गठन गरिएको हो ।

समितिमा उपाध्यक्ष दुर्गा बहादुर कुरुम्भङ, सचिवमा लोकेन्द्र पयाङ्गु, सहसचिवमा नगेन पाक्सावा र कोषाध्यक्षमा कृष्ण तिगेला निर्वाचित भएका छन् । यसैगरी सदस्इहरुमा डिल्लीमान पारघरी, टेक बहादुर सान्वा, रीता लिम्बु, मनकुमारी लिम्बु, प्रेम बहादुर सान्वा, कल्पना लिम्बु, रुपना लिम्बु र कविता लिम्बु रहेका छन् ।

कार्यक्रममा विशेष अतिथि कियाचु तेह्रथुम जिल्ला कार्य समितिका उपाध्यक्ष तुलसीमान तिगेला लगायत कियाचूका आजीवन सदस्इहरुको उपस्थिति रहेको थियो ।

त्यसैगरी शनिबार नै किरात याक्थुङ चुम्लुङ गाउँशाखा समिति आठराइको तेस्रो अधिवेशनले राम कुमार इङनामको अध्यक्षतामा १७ सदस्यीय नयाँ समिति निर्वाचित गरेको छ ।

कियाचू संघीय उपाध्यक्ष कमला फोम्बोको प्रमुख आतिथ्यता तथा जिल्ला अध्यक्ष सेसेहाङ हुक्पा चोङबाङ्को विशेष आतिथ्यता रहेको कार्यक्रमले नयाँ समिति गठन गरेको हो ।

कार्यक्रमबाट उपाध्यक्षमा ओम कुमार कन्दङ्वा, सचिवमा शुशील कन्दङ्वा, सहसचिवमा शिक्षिका लिम्बु र कोषाध्यक्षमा भूवन किसोर इङ्नाम निर्वाचित भएका छन् । यसैगरी समितिको सदस्यहरुमा दिवश सिंघक, नइन्द्र लिम्बु कन्दङ्वा, रामचन्द्र कन्दङ्वा, संगीता लिम्बु, नरेन्द्र लिम्बु फोम्बो, राजेश ईङ्नाम, लक्ष्मी कन्दङ्वा, भिमराज कन्दङ्वा, चन्द्रबहादुर कन्दङ्वा, चक्र ईङनाम, गणेश कन्दङ्वा र टिका राज फोम्बो निर्वाचित भएका छन् ।

कार्यक्रममा जिल्ला सल्लाहकार जय प्रकाश इङनाम, जिल्ला सदस्यद्वय कुमार कन्दङवा र करिना थलङ, कियाचु पुर्व आठराई अध्यक्ष मृगेन इङनाम लगायतको उपस्थिति रहेको थियो ।