ललितपुर, ६ जेठ । प्रदेश नं. १ को कोशी नाम खारेजी आन्दोलन राजनैतिक संगठनहरुसँग संवाद गर्दै अगाडि बढाउने निर्णय भएको छ । आइतबार ललितपुरस्थित किरात याक्थुङ चुम्लुङको कार्यालयमा बसेको बैठकले पहिचानको आधारमा प्रदेशको नाममा सहमति खोज्दै आन्दोलनलाई थप शसक्त पार्ने बैठकमा सहभागी नेताहरुले बताएका हुन् ।
प्रदेश नं. १ पुन नामङ्कन संयुक्त संघर्ष समितिका संयोजक डकेन्द्र सिंह थेगिमको अध्यक्षतामा बसेको बैठकले सो निर्णय गरेको हो ।
बैठकले कोशी नाममा भोट लगाउन त्रुटि भयो भन्दै आएका माओवादी केन्द्रका प्रदेश सभासदस्य, १४ जिल्ला सभापतिहरुले नाम सच्याउन पहल गर्न संयुक्त विज्ञप्ति निकाल्ने नेपाल कांग्रेस लगायतका पार्टीहरु, कोशीमा भोट नहाल्ने प्रदेश सभा सदस्यहरुसँग राजनीतिक संवाद गर्ने निर्णय गरेको छ ।
बैठकले आन्दोलनको नयाँ कार्यक्रम बनाउन किरात याक्थुङ चुम्लुङ, किरात राई यायोक्खा, माओवादी केन्द्र, संघीय लोकतान्त्रिक राष्ट्रिय मञ्च र जसपा, नेपालका शीर्षस्त नेताहरु बसेर १५ दिन भित्र पेश गर्ने निर्णय भएको किरात राई यायोक्खाका उपाध्यक्ष जनक राईले बताउनु भयो ।
साझा नाम टुङ्याउन किरात राई यायोक्खा, किरात याक्थुङ चुम्लुङ, नेपाल आदिबासी जनजाति महासंघ, शेर्पा संघ र पहिचानसहितको प्रदेश नं. १ पुन नामाङ्कन अभियान समितिलाई जिम्मा दिने निर्णय भएको छ ।
प्रदेशमा रहेको कोशी उच्च बाँधले प्रदेशबासीलाई नकारात्मक असर पार्ने भएको हुँदा सो खारेजीको माग गर्न किरात राई यायोक्खालाई सहजीकरण गर्ने जिम्मेवारी दिईएको छ साथै पहिचानको लागि युवा गठन, पुनः गठन गर्ने लगायतको निर्णय भएको संयोजक थेगिमले बताउनुभयो ।
बैठकमा किरात राई यायोक्खाका अध्यक्ष जीवन हाताचो राई, उपाध्यक्ष जनक राई, किरात याक्थुङ चुम्लुङका अध्यक्ष प्रेम एक्तेन, उपाध्यक्ष गोविन्द आङ्बुहाङ, नेपाल आदिबासी जनजाति महासंघका अध्यक्ष गेल्जे शेर्पा, नेपाल जनमुक्ति पार्टीका अध्यक्ष केपी पालुङ्वा, पहिचानसहितको प्रदेश नं. १ पुन नामाङ्कन अभियान समिति, नेपाल शेर्पा संघका महासचिव लाक्पा शेर्पा, संयुक्त पहिचानवादी मोर्चाबाट डा. महेन्द्र लावती, राष्ट्रिय मुक्ति पार्टीका शन्तोष मेहेता, नागरिक उन्मुक्ति पार्टीका दिलकुमार लावती बैठकमा सहभागी हुनुहुन्थ्यो ।
त्यसैगरी जनता समाजवादी पार्टी नेपालका संजय राई, जनता समाजवादी पार्टीका आङ्काजी शेर्पा, किरात जनसंघीय अभियानका संयोजक नगेन्द्र राई, संघीय लोकतान्त्रिक राष्ट्रिय मञ्च, माओवादी केन्द्र सम्बद्ध किराती राष्ट्रिय मुक्ति मोर्चा लगायत संगठनहरुबाट बैठकमा सहभागी रहेका थिए ।
ललितपुर, ७ असार । लामो प्रतीक्षापछि माध्यमिक तहको याक्थुङ (लिम्बू) भाषा अध्ययनका लागि तयार गरिएको ‘याक्थुङ कक्षा ९’ पाठ्यपुस्तक अब आगामी शैक्षिक सत्रदेखि पठनपाठनमा लागू हुने भएको छ। पाठ्यक्रम विकास केन्द्रअन्तर्गत मातृभाषा विषय समितिमा प्रस्तुत...
दमक, ७ असार । लिम्बू पत्रकार संघ पान्थरकाे अध्यक्षमा रजनी हाङसरुम्बा निर्वाचित भएका छन्। शनिबार पान्थरकाे फेदेनमा सम्पन्न संघको तेश्रो जिल्ला अधिवेशनले हाङसरुम्बाको अध्यक्षतामा नौ सदस्यीय नयाँ जिल्ला समिति चयन गरेको हो। उक्त अधिवेशनबाट उपाध्यक्षमा भूपेन योङहाङ, सचिवमा इवारा जेबगु, सहसचिवमा मनेन्द्र केरुङ आहुती र कोषाध्यक्षमा सुष्मा हाङसरुम्बा सर्वसम्मत चयन भएका छन्। यस्तैगरी सदस्यहरूमा इच्छा लिम्बु, तागेरा तावाहाङ, अशाेक लावती र पदम दुःखी सम्बाहाम्फे चयन भएकाे नव निर्वाचित अध्यक्ष हाङसरूम्बाले बताइन् । त्यस्तै प्रदेश महाधिवेशन...
फुङलिङ, २ असार । ताप्लेजुङस्थित धार्मिक पर्यटकीय स्थल तथा याक्थुङहरुको मुन्धुमी आस्थाको केन्द्र मुक्कुमलुङमा १० हजार विरुवा रोपिएको छ । आइतबार मुक्कुमलुङ ताङसेःप चुम्भो र मुक्कुमलुङ संरक्षण अन्तरदलीय संयुक्त संघर्ष समितिको आयोजनामा सयौं संख्यामा उपस्थित...
दमक, झापा । संयुक्त पहिचानवादी मोर्चा झापा जिल्ला हल्दीवारी गाउँपालिका समिति विस्तार भएको छ । सोमबार हल्दीबारीमा आयोजित एक कार्यक्रमले सन्त थाम्सुहाङको संयोजकत्वमा समिति विस्तार गरिएको हो । समितिमा सहसंयोजक चन्द्र मगर, सदस्यसचिवमा मनकुमार लिङखिम...
प्रकाशक:
माङ्गेन्ना पब्लिकेशन एण्ड मिडिया प्रा.लि.
प्रदेश न १ , दमक–१, झापा
सूचना विभाग द.नं. २१४६/०७७-७८
कम्पनी दर्ता नं. २४५४५३/०७७-०७८
प्रेस काउन्सिल दर्ता नं. २३१४/०७७-०७