दमक, ८ जेठ । संयुक्त पहिचानवादी मोर्चाको मेची नगरपालिका समिति गठन भएको छ । बिहिबार मेचीनगरमा भएको कार्यक्रममा तेजबहादुर कन्दङवाको संयोजकत्व्मा २३ सदस्यीय मोर्चा गठन गरिएको हो ।

उक्त कार्यक्रमबाट समितिको सहसंयोजकहरुमा कोपिला लावती, साधु मगर, वेद राजवंशी, प्रकाश लावती, सन्तोष योङ्या, मान्धोज लिम्बु र बमबहादुर योङया त्यसैगरी सदस्य सचिवमा याम बहादुर साउदेन चयन भएका छन् ।

साथै उक्त कार्यक्रमबाट सदस्यहरू अमर इजम, आशिष लिम्बु, सफल लिम्बु, भिम किराती, चन्द्रकला लिम्बु, रिता मेचे, संजिला तामाङ, उमा यक्पाङदेन, प्रदिप दनुवार, नन्द कमल लिम्बु, गणेश माया सुहाङ, आइन्द्र सेलिङ, सुम्निमा लावती चयन भएको जनाइएको छ । यसैगरी सो कार्यक्रमबाट सल्लाहकारहरुमा आरबि पालुङवा, चन्द्र लिम्बू, टीका इधिङगो, कृष्ण धुमी राई, मैनराज लिम्बू बोखिम र विरकुमार लिम्बूलाई चयन गरिएको जिल्ला सहसंयोजक कालीबहादुर खेवाङले बताउनु भयो ।

कार्यक्रममा मोर्चाका संघीय सदस्यहरु भक्त खेवाङ, अशोक चेम्जोङ, लासिम पालुङवा, एलबी पालुङ्वा, अग्निमाया मेचे, शर्मिला आङदेम्बे लगायत नेताहरुले नव निर्वाचित समितिलाई बधाई ज्ञापन गर्दै पहिचानको राजनीतिलाई एकीकृत शक्ति निर्माण गर्दै आगामी केही महिनाभित्र नयाँ सन्देश विश्वमाझ जानेगरी राजनीतिक दल निर्माण हुने र प्रदेश १ को नाम कोशी खारेजी आन्दोलनसँगै तेस्रो जनआन्दोलनको जगबाट देशव्यापी सबै खाले विभेद र अधिकारको लागि आन्दोलनमा उत्रने जनाएका छन् ।