दमक, १३ जेठ । लिम्बु पत्रकार संघ ताप्लेजुङको चाैंथाे जिल्ला अधिवेशन सम्पन्न भएकाे छ । ताप्लेजुङमा मंगलबार सम्पन्न अधिवेशनले  कृष्ण फुरुम्बो (लिम्बू)काे अध्यक्षतामा ९ सदस्यीय कार्यसमिति सर्वसम्मत चयन गरेको हो ।

समितिको उपाध्यक्षमा उदय खुदाङ, सचिवमा साहारा लिम्बू, सहसचिवमा बसन्त लाबुङ र कोषाध्यक्षमा मनु (लिम्बू) माबो चयन हुनुभएको छ । यस्तै सदस्यहरूमा क्रमशः अनमोल लिम्बू, नविना लिम्बू, सोस्ना लिम्बू र सीता माबो (लिम्बू) चयन हुनुभएको छ । प्रदेश प्रतिनिधिमा माला पालुङ्वा, लोकेश लिबाङ र साहारा लिम्बू चयन हुनुभएको छ ।

अधिवेशन लिम्बू पत्रकार संघकाे केन्द्रीय कोषाध्यक्ष दिलकुमार लिम्बूको प्रमुख आतिथ्यमामा सम्पन्न भएको हो । विशिष्ट अतिथिकोरुपमा केन्द्रीय सदस्य गंगा लिङ्खिम, केन्द्रीय सल्लाहकार समिति सदस्य चन्द पन्दाक (लिम्बू)को उपस्थिति रहेको थियो ।