दमक, झापाको दमक नगरपालिकाको आयोजनामा दोस्रो दमक नगरस्तरीय खेलकुद महोत्सवको उद्घाटन भएकाे छ । आइतबार दमक नगरपालिकाको प्राङ्गगणबाट दमक ७स्थित नमुना व्याट्मिन्टनको सभाहलसम्म विभिन्न झाँकी सहित खेलकुद महोत्सवको उद्घाटन गरिएकाे हो ।

खेलकुद महोत्सवमा फुटबल, भलिबल, क्रिकेट, ब्याडमिन्टन, चेस, एथलेटिक्स, कराँते, आइटीएफ तेक्वान्दो र डब्लुटीएफ तेक्वान्दो लगायत खेलहरु आयोजना गरिने जनाइएको छ ।

हिमालय माध्यमिक विद्यालयको खेल मैदानमा भलिबल खेलको आयोजना गरिने छ भने फूटबल आम्बारी खेल मैदानमा हुँदैछ । यसैगरी बेलडाँगी १ दमक २ को खेल मैदानमा क्रिकेट खेलको आयोजना गरिने जनाइएको छ ।

दमक नमुना ब्याडमिन्टन एकेडेमीमा ब्याडमिन्टन खेल हुँदैछ भने हिमावि चौकमा एथलेटिक्स आयोजना गरिने भएको छ ।

यसरी नै दमक डोजो (नयाँ सब्जी बजार)मा कराते त्यसैगरी ब्याडमिन्टन एकेडेमीमा आईटीएफ र अर्गानिक कृषि सब्जी बजारको हलमा डब्लुटीएफ तेक्वान्दो आयोजना गर्ने कार्यक्रम तय भएको नगरपालिकाले जनाएको छ ।

२८ गते शनिबारदेखि सोमबारसम्म तीन चल्ने महोत्सवले दमक नगरको खेलकुद विकासमा थप पुग्ने बताईएको छ । कार्यक्रमको समापन सोमबार आम्बारीखेल मैदानमा गरिने बताइएको छ ।

दमक नगर पालिकाको नगर खेलकुद समितिले बैशाख २८गते आयोजना गरेको दोसो दमक खेलकुद महोत्सव उद्घाटनका्े झलक ।