दमक, १६ जेठ । ताप्लेजुङको मुकुम्लुङ–पाथीभरा क्षेत्रमा निर्माण गर्न लागिएको केवलकार परियोजना खारेजी हुने संकेत देखिएको छ। नेपाल सरकारले परियोजनालाई अगाडि नबढाउने तयारी गरिरहेको चर्चा अहिले व्यापक बनेको छ।

सन् २०१५ मा “पाथीभरा देवी दर्शन केबलकार प्रालि” दर्ता भएपछि यो परियोजना “आङछिरिङ शेर्पा” नेतृत्वको समूहले सुरु गरेको थियो। पछि हेलिकोप्टर दुर्घटनामा शेर्पाको निधन भएपछि विभिन्न स्वामित्व परिवर्तन हुँदै अहिले आइएमई ग्रुपका अध्यक्ष “चन्द्र ढकाल” को नेतृत्वमा परियोजना अघि बढाइएको थियो।

लिम्बू याक्थुङहरुको मुन्धुमिस्थल मुकुम्लुङ क्षेत्रमा केवलकार निर्माणको दशकौ देखि स्थानिय याक्थुङ समुदयले विरोध जनाएका छन् ।

पहिचान पक्षधर तथा विभिन्न राजनीति पार्टीहरुले ठुलो आन्दोलन निरन्तर गरिरहेका छन् । मुकुम्लुङको धार्मिक, सांस्कृतिक तथा पहिचानमाथि असर पर्ने भन्दै चर्किएको विरोधपछि अहिले परियोजना नै खारेज हुन लागेको हो । मुक्कुमलौङमा नो केवलकार आन्दोलनका क्रममा दर्जनौं घाइते तथा झुटा मुद्दामा जेल परेका छन् ।