ललितपुर, १७ जेठ । आजदेखि तीनदिन छैटौँ नेपाल आदिवासी जनजाति चलचित्र महोत्सव आयोजना हुँदैछ । काठमाडौँ, चावहिलस्थित चलचित्र विकास बोर्डको सभाहलमा नेपालकै सबैभन्दा ठूलो तथा ऐतिहासिक महोत्सव हुन लागेको हो ।
यस महोत्सवमा नेपालका विभिन्न आदिवासी जनजाति समुदायका उत्कृष्ट चलचित्रहरू पनि प्रदर्शन गरिनेछन् । जेठ १७ देखि १९ गतेसम्म आयोजना हुने उक्त महोत्सवमा प्रवेश तथा सम्पूर्ण चलचित्र प्रदर्शन निःशुल्क रहेको छ । याक्थुङ समुदायका चलचित्र ‘तङसिङ’ आज जेठ १७ गते दिउँसो १ः३० बजे र ‘रीत’ जेठ १९ गते दिउँसो १२ः०० बजे प्रदर्शन हुने निर्देशक सागर केरुङले बताए ।
यस वर्षको महोत्सवको फेस्टिभल डाइरेक्टरको जिम्मेवारी लिम्बू समुदायले प्राप्त गरेको निर्देशक केरुङले बताए । यो सम्पूर्ण याक्थुङ÷लिम्बू समुदायका लागि गर्व, सम्मान र ऐतिहासिक उपलब्धिको विषय हो । त्यसैले महोत्सवलाई भव्य, सभ्य र लिम्बू याक्थुङमय बनाउनु हाम्रो साझा दायित्व पनि हो – उनले भने ।
आज १७ गते विहान ११ बजेबाट भोलि र पर्सिसम्म लिम्बू सांस्कृतिक भेषभुषा सहित लिम्बू समुदायका सबैलाई सहभागी हुन निर्देशक केरुङले अनुरोध गरेका छन् ।