चुहानडाँडा विनास्थलको नाम परिवर्तन गर्दा यहाँको ऐतिहासिकतासँग जोडिएन– अध्यक्ष लिम्बु

 लिम्बुवान न्युज
                       

आठराई । तेह्रथुमको आठराईमा निर्माण हुन लागेको चुहानडाँडा विमानस्थलको नाम परिवर्तन गर्ने सरकारको घोषणाप्रति स्थानीय बासिन्दाले असन्तुष्टि जनाएका छन् । विमानस्थल निर्माणको कामले गति नलिँदै नाम परिवर्तन गर्ने सरकारको घोषणा स्थानीय जनताको भावना बिपरित हुने भन्दै असन्तुष्टि जनाएका हुन् ।

गाउँपालिकाका अध्यक्ष मानबहादुर लिम्बुले विमानस्थल निर्माणमा बजेट आउनु राम्रो हो तर नाम परिवर्तन गरेर आङ्छिरिङ विमानस्थल बनाउने उल्लेख गरिनु गलत भएको बताए । यो नाम स्थानीयको मौलिकता र ऐतिहासिकतासँग नजोडिने लिम्बुको भनाइ रहेको छ । सबैसँग छलफल गरेर साझा धारणा बनाएर जानुपर्नेमा कुनै छलफल नै नगरी नाम परिवर्तन गर्ने घोषणा गरिएकोमा अध्यक्ष लिम्बुले असन्तुष्टि जनाए । ‘विमानस्थलको नाम यहाँको ऐतिहासिकतासँग जोडिएन,’ अध्यक्ष लिम्बुले भने, ‘नाम राख्ने बारेमा एकपटक पनि सोधिएन ।’ बिनापरामर्श र स्थानीयसँग कुनै साइनो नै नभएका व्यक्तिको नाम राखिने उल्लेख गरिनुले शंका जन्माएको उनले बताए । ‘यसको पछाडि केही नकारात्मक पक्ष छन् कि भन्ने आशंका जन्मिएको छ‚’ प्रधानमन्त्री केपी शर्मा ओली जन्मिएको क्षेत्रमा बन्न लागेको विमानस्थलको नाम स्थानीयको इतिहाससँग नमिल्दो राख्ने घोषणा गरिनु स्थानीयबासीको भावनाविपरीत भएको उनले बताए ।

‘भोलिका दिनमा यही नामको कुराले मूल विवाद निम्त्याउनेछ,’ उनले भने, ‘स्थानीय ऐतिहासिकताको आधारमा विमानस्थलको नामाकरण गरिएको भए सबैले अपनत्व लिन्थे ।’ विमानस्थल निर्माणको काम पुरा भएपछि नाम फेरिएरै छाड्ने उनले दाबी गरेका छन् । ‘अहिले तत्काल नामले विवाद गर्नुपर्ने जरुरी देख्दिनँ,’ उनले भने, ‘पहिला विमानस्थल निर्माणको कामले पूर्णता पाउनुप¥यो, काम शुरु नहुँदै नामको विषयलाई लिएर विवाद गर्न थाल्यो भने भोलि समस्या आउनसक्छ, प्रारम्भिक चरणमै विवाद गर्नु राम्रो होइन ।’ कोभिड महामारीका कारण कसैसँग छलफल नभएकाले गाउँपालिकाको तर्फबाट कसरी अघि बढ्ने भन्ने बारेमा कुनै निर्णय नभएको अध्यक्ष लिम्बुले बताए ।

गत जेठ १५ गते अध्यादेश मार्फत आएको बजेट भाषणमा बजेट भन्दा पनि एतिहासिकतासँग जोडिएका सांस्कृतिक धरोहर भत्काउने र पहिचानसँग जोडिएका नामहरुको नामेट गर्ने सरकारको नीति प्रति चर्को बहस शुरुभएको छ । खुवालुङ अतिक्रमण, आदिवासी रंगशालाको बजेट स्तान्तरण, सुकेटार विमान स्थल लगायतका विषयमा सरकारको आलोचना बढ्दैगएको छ ।

सम्बन्धित समाचार

दलित भनेर कोठा नदिएको अभियोगमा एक महिला पक्राउ

काठमाडौं। दलित भएकै कारण कोठा दिन नमानेको आभियोगमा एक महिला पक्राउ परेकी छिन् । सञ्चारकर्मीसमेत रहेकी रुपा सुनारलाई दलित भएकै कारण कोठा नदिएको आरोपमा प्रहरीले बबरमहलकी सरस्वती प्रधानलाई आइतबार पक्राउ गरेको हो । दलित भएकै...

जसपानिकट कानून व्यवसायीद्वारा ठाकुरविरुद्ध कीर्ते जालसाजीमा मुद्दा दर्ता गर्दै

काठमाडौँ ०६, असार। जनता समाजवादी पार्टी, नेपाल (जसपा) निकट कानून व्यवसायीले महन्थ ठाकुर र राजेन्द्र महतो समूह विरुद्ध अदालतमा किर्ते जालसाजी मुद्दा दर्ता गर्ने तयारी गरेका छन् । अल्मतमा परेका जसपाका अध्यक्ष महन्थ ठाकुरले अर्कै...

सर्वोच्चद्वारा पत्रकारलाई कोभिड विरुद्धको खोप लगाउने ब्यवस्था गर्न सरकारलाई अन्तरिम आदेश

काठमाडौं, ६ असार। सर्बोच्च अदालतले पत्रकारहरुलाई प्राथमिकता दिएर कोभिड–१९ विरुद्ध खोप उपलब्ध गराउने ब्यवस्था मिलाउन सरकारका नाममा अन्तरिम आदेश दिएको छ । पत्रकार तथा अधिवक्ताद्वय लीलानाथ धिमिरे र बिष्णु गिरी निश्चलले फन्टलाइनमा कार्यरत सबै पत्रकारलाई...

दमकमा स्काउटको ७०औं स्थापना दिवस विरुवा गोडमेल गरी मनाइयो

दमक/झापाको दमकमा नेपाल स्काउटको ७०औं स्थापना दिवस मनाइएको छ । शनिबार दमक ३ बेलडाँगी स्थित हंसेदुम्से सामुदायिक बन क्षेत्रमा रोपिएका फलफुलका विरुवा गोडमेल गर्दै वातावरण संरक्षणको सन्देश दिदैं स्काउटरहरुले मनाएका हुन् । दमक नगरपालिका उपप्रमुख...