काठमाडौं । कोरियाली सरकारले नेपाललाई कोरोना महामारी नियन्त्रणका लागि स्वास्थ्य सामग्री सहयोग गरेको छ । अन्तर्राष्ट्रिय विकास साझेदार संस्था कोइका मार्फत कोरियाले दुई लाख अमेरिकी डलर बराबारको कोरोना परीक्षण किट सहयोग गरेको हो ।

नेपालस्थित दक्षिण कोरियाली राजदूत पार्क छङसुकले शुक्रबार उक्त रकम बराबरको किट नेपाल सरकार, स्वास्थ्य तथा जनसंख्या मन्त्रालयका प्रमुख विशेषज्ञ तथा स्वास्थ्य समन्वय विभाग प्रमुख डा. रोशन पोखरेललाई त्रिभूवन अन्र्तराट्रिय विमानस्थलमा हस्तान्तरण गरेका हुन् । उक्त किटबाट १७ हजार ७६० जनाको पीसीआर परीक्षण गर्न सकिने जनाइएको छ ।

उक्तसामग्री हस्तान्तरण गर्दै नेपालका लागि दक्षिण कोरियाली राजदूत छङसुकले सहयोगले कोरोनाको दोस्रो लहर नियन्त्रणका लागि परीक्षणमा टेवा पुग्ने विश्वास व्यक्त गरेका छन् ।

हस्तान्तरणकार्यक्रममा अन्तर्राष्ट्रिय विकास साझेदार नियोग कोइका नेपाल प्रमुख खो सङहुनले नेपालको महामारी नियन्त्रणका लागि कोइकामार्फत नेपाल सरकारलाई निरन्तर सहयोग गर्ने बताएका छन् । आगामी अगष्टसम्ममा अन्तर्राष्ट्रिय विकास साझेदार नियोग कोइका मार्फत ३७८ थान अक्सिजन कन्सन्ट्रेटर उपलव्ध गराउने प्रक्रिया अगाडि बढाएको जनाउँदै स्वास्थ्य तथा जनसंख्या मन्त्रालयलाई हस्तान्तरण गर्ने योजना रहेको समेत जनाएको छ ।