दमक। नेपाल प्रहरीले मोटरसाईकल चोरीमा संलग्न ७ जनालाई पक्राउ गरिएको छ । पक्राउ पर्नेमा ईटहरी १३ का २८ बर्षीय राजेश मेहता, ईटहरी २० का ३८ बर्षीय बलराम गुरूङ, ईटहरी २ का ३९ बर्षीय सुवास लिम्बु, ईटहरी ३ का ३० बर्षीय मचिन राई, ईटहरी ४ का २१ बर्षीय गोलमोल राई, १९ बर्षीय रोमन परियार र २१ बर्षीय मनोज परियार रहेका छन् ।

गत जेष्ठ १२ गते राती मोरङको सुन्दरहरैचा ४ का मदन कुमार चौधरीको नाममा रहेको प्र–१–०५–००१ प–००६१ नम्बरको रातो कलरको २०० सिसिको मोटरसाईकल घरबाटै चोरी भएको थियो । खोजतलासको क्रममा मेहताको घरमा मोटरसाइकल भेटिएपछि उनलाई इलाका प्रहरी कार्यालयले बेलबारीले नियन्त्रणमा लिएको थियो ।

उनी पक्राउ परे पश्चात चोरीमा संलग्न अन्य ६ जना आ–आफ्नै घरबाट पक्राउ परेका हुन । उनीहरुमाथि थप अनुसन्धान गरिरहेको १ नं. प्रदेश प्रहरी कार्यालय बिराटनगरले जनाएको छ ।