मिक्वाखोलाका धेरै धान फलाउने कृषकले पाउने भए पुरस्कार

 लिम्बुवान न्युज
                       

ताप्लीजोङ्। ताप्लेजुङ् मिक्वाखोला गाउँपालिकाका किसानहरु उत्साहित भएको छन् । कृषि उत्पादन वृद्धि गर्न किसानलाई प्रोत्साहित गर्न गाउँपालिकाले ५० मुरीभन्दा धेरै धान उतपादन गर्ने कृषकलाई पुरस्कार दिने निर्णय गरेको छ ।

गाउँपालिकाले आर्थिक बर्ष ७७/७८ मा ५० मुरी भन्दा बढी धान फलाउने सात किसानलाई ४२ हजार ५०० का दरले रकम उपलब्ध गराउने निर्णय बताइएको छ ।

गाउँपालिकालाई खाद्यान्नमा आत्मनिर्भर बनाउन र किसानलाई थप प्रोत्साहन गर्न सो नवीनतम योजनालाई कार्यान्वयन गरिएको जनाइएको छ । पहिलोचरणमा वडा नम्बर १, २ र ३ का सात किसानलाई सो रकम प्रदान गर्ने तयारी गाउँपालिकाले गरेको छ । पुरस्कृतहरु १ का देवीमाया श्रेष्ठ, ज्ञानबहादुर लिम्बू, ङिमादावा शेर्पा, निमतेम्बा शेपा, २ का रबिन्द्र वनेम र ३ का ङिमावाङ्दी शेर्पा र होमनाथ गौतम रहेको गाउँपालिकाले जनाएको ।

पालिकाले जनाए अनुसार देवीमाया र ङिमादावाले ७०÷७०, ज्ञानबहादुरले ६३, ङिमातेम्बाले ६५, रबिन्द्रले ९५, ङीमावाङ्दीले ५८ र होमनाथले ६० मुरी धान उत्पादन गरेको तथ्याङ्क छ । उनीहरुलाई सो रकम यथाशिघ्र प्रदान गरिने पालिकाको जनाएको छ ।

यसअघि पाँचथरको मिक्लाजुङ गाउँपालिकाले पनि पालिकाका कृषकहरुलाई यस्तो पुरस्कार वितरण गरेको थियो ।

सम्बन्धित समाचार

पोक्लाबाङ यकको अतिक्रमण रोक्न माग

फेदाप, २ माघ । पोक्लाबाङ यक माङ्गेन्ना लुङ्धुङ थाम्रुङ फेदापको प्रथम साधारणसभा सम्पन्न भएपछि आज संस्थाको पारित रणनीति तथा कार्यक्रमहरु प्रेस विज्ञप्ति मार्फत सार्वजनिक गरेको छ । आइतबार सम्पन्न साधारणसभाले फेदाप क्षेत्रका ऐतिहासिक भुमिहरुलाई जिवन्त...

इलामको फाल्गुनन्द–सुकिलुम्बा विमानस्थलबाट हवाई उडान सुरु हुने

इलाम, २ माघ । इलामको फाल्गुनन्द–सुकिलम्बा विमानस्थलबाट उडान सुरुहुने भएको छ । यहि ८ फागुनदेखि इलाम काठमाडौं उडान हुने भएको हो । काठमाडौं–इलाम–काठमाडौं उडानको लागि तारा एयरलाइन्स र इलाम नगरपालिकाबीच सम्झौता भएको छ । साताको...

आगलागी पिढीतलाई राहत हस्तान्तरण

पाँचथर, २ माघ । फालेलुङ् ३स्थित ताङ्लेपाका आगलागी पिढीत पूर्ण केरुङ्लाई राहत हस्तान्तरण गरिएको छ । गत पुष १४ गते केरुङ्को घर जलेर नस्ट भएको थियो । आइतबार संघीय लोकतान्त्रिक राष्ट्रिय मञ्च, संघीय लिम्बुवान प्रान्तीय...

पोक्लाबाङ यक माङ्गेन्ना लुङ्धुङको प्रथम साधारणसभा सम्पन्न

सेसेहाङ चोङबाङ, तेह्रथुम । फेदाप, १ माघ । पोक्लाबाङ यक माङ्गेन्ना लुङ्धुङ थाम्रुङ फेदापको प्रथम साधारणसभा सम्पन्न भएके छ । फेदाप पोक्लाबाङ स्पोर्टिङ क्लबको सभाहलमा आयोजित साधारणसभा बृहतरुपले सम्पन्न भएको हो । १८ थरी लिम्बुहरुले...