दमक अस्पतालमा अक्सिजन प्लान्ट जडान गरिदै

 लिम्बुवान न्युज
                       

दमक/विश्व बैंकको सहयोगमा दमकस्थित दमक अस्पतालमा अक्सिजन प्लान्ट जडानको गृहकार्य शुरु भएको छ । अस्पताललाई स्वास्थ्य तथा जनसंख्या मन्त्रालय स्वास्थ्य सेवा विभाग व्यवस्थापन महाशाखाले सोका लागि आवश्यक सहयोग र समन्वयका लागि दमक अस्पताललाई पत्राचार गरेको जनाइएको छ ।

एक महिना भित्रै दमकमा प्रतिघण्टा ४० घन मिटर अक्सिजन उत्पादन गर्न सक्ने प्लान्ट स्थापना हुने जनाइएको छ । विश्व बैंकको सहयोगमा संयुक्त राष्ट्र संघ अन्तर्गतको युएनओएसपी नामक परियोजनाले सो कार्यका लागि आज (आइतबार) दमकमा अक्सिजन प्लान्ट जडानका लागि उपलब्ध जग्गा, त्यहाँँको भौतिक अवस्था तथा आवश्यक अन्य पूर्वाधारहरुको स्थलगत जानकारी लिएको दमक अस्पताल सञ्चालक समिति अध्यक्ष तथा दमक नगर उपप्रमुख गीता अधिकारीले जानकारी दिइन ।

यहाँ जडान हुने सो प्लान्टका लागि आवश्यक उपयुक्त परिमाणको जग्गाको पहिचान, प्लान्टलाई अस्पतालको वितरण प्रणालीमा जोडने, बिद्युत प्रणालीको जडान तथा आवश्यक टहरा निर्माण लगायतका कामको जिम्मा सम्बन्धित अस्पतालको रहनेछ भने अन्य प्राविधिक तथा उपकरण विश्व बैंकको सहयोगमा सो परियोजनाले व्यवस्थापन गर्नेछ । यो दमकका लागि ठुलो उपलब्धी भएको बताउँदै उपप्रमुख अधिकारीले भनिन– ‘जति सक्दो छिटो यसलाई सञ्चालनमा ल्याउने हाम्रो प्रयत्न हुनेछ ।’

यतिबेला कोरोना संक्रमणका कारण संक्रमितहरुमा अक्सिजनको मात्रा कमि हुन गई समयमा कृत्रिम प्राण वायु अर्थात अक्सिजन उपलब्ध नहुँदा अकालमा ज्यान जाने क्रम छ । यो प्लान्ट स्थापनापछि दमकका अतिरिक्त प्रदेश एकका विभिन्न अस्पतालहरुमा अक्सिजनको अभाव हुन पाउने छैन । सरकारले एक सय बेड वा सो भन्दा बढी सबै अस्पतालहरुलाई आफैं अक्सिजन उत्पादन गर्ने व्यवस्था मिलाउन निर्देशन गरिसकेको अवस्थामा यो प्लान्टले साना अस्पतालहरुलाई राहत पुग्नेछ ।

सम्बन्धित समाचार

पहिचान आन्दोलनका प्रथम शहीद पदमकुमार लिम्बुको शहादत्ताको चर्चाः समाधिस्थल लगायत विभिन्न स्थानमा स्मृतिसभा सम्पन्न

दमक, १० चैत्र । प्रदेश नं. १ को नामाङकन कोशी राखेसँगै उठेको पहिचानवादी आन्दोलनको प्रथम सहिद पदमकुमार लिम्बू (लाजेहाङ) शहादत्त भएको आज एक बर्ष पुरा भएको छ । शहीद लाजेहाङको साहदतको चर्चा गर्दै शनिबार मोरङको...

महागुरु फल्गुनन्दको समाधिमा शालिक नराख्न संघको अनुरोध

दमक, १० चैत्र । पाँचथर जिल्लाको फाल्गुनन्द गाउँपालिकास्थित वडा नं. २ र ३ तथा फिदिम नपा वडा नं. ३ को संगम स्थल सिलौटीमा राष्ट्रिय विभूती महागुरु फाल्गुनन्दको शालिक नराख्न सो क्षेत्र संरक्षण गर्दै आएका किराती...

इलाम २ मा पत्रकार मिलन लिम्बुको स्वतन्त्र उम्मेदारी घोषणा

दमक, ४ चैत्र । नेपाल आदिवासी जनजाती पत्रकार महासंघका केन्द्रीय महासचिव मिलन लिम्बूले इलाम २ को प्रतिनिधिसभा सदस्य उपनिर्वाचनमा उम्मेदवारी घोषणा गरेका छन् । आइतबार काठमाडौं अनामनगरस्थित युनियन हाउसमा आयोजित पत्रकार सम्मेलनमा उनले उपनिर्वाचनमा स्वतन्त्र...

इलाम २ मा डकेन्द्रसिंह थेगीम लिम्बु पहिचान पक्षधरहरुको साझा उम्मेदवार घोषणा

ललितपुर, चैत्र ३ । ‘कोशी’ नाम विरुद्व आन्दोलनरत प्रदेश नं. १ पुनः नामाङकन संयुक्त संघर्ष समितिले पहिचान पक्षधरहरुको आसन्न इलाम क्षेत्र नम्बर २ को प्रतिनिधिसभा उपनिर्वाचनमा साझा उम्मेदवार घोषणा गरेका छन् । संघर्ष समितिले बिहीबार...