काठमाडौं । कोरोना संक्रमणबाट पछिल्लो २४ घण्टामा १०८ जनाको मृत्यु भएको छ । पछिल्लो २४ घण्टामा थप ५१५३ जनामा कोरोना भाइरस संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा कोरोना संक्रमणबाट ६५७० जना संक्रमणमुक्त भएका छन् ।

हालसम्म कोरोनाबाट ६ लाख ९५ हजार ३५४ जना संक्रमित भएका छन् भने ५ लाख ४ हजार ५३० जना निको भएका छन् । हाल सक्रिय संक्रमितको संख्या ८२ हजार ७३५ जना रहेका छन् भने हालसम्म कोरोनाबाट ८०९८ जनाको मृत्यु भइसकेको छ ।