दमक/आजबाट दमकमा कोरोना खोप लगाउन शुरु गरिएको छ । दमक नगरपालिकाले १ हजार ३ सय डोज खोप लगाउने जनाएको छ ।
नगरपालिकाका स्वास्थ्य निरिक्षक बद्री बरालका अनुसार करिब १० बर्ष अघिको तथ्याङक अनुसार दमकमा ६२ देखि ६४ बर्ष उमेर समुहका मानिसहरुको संख्या १ हजार ४ सय ७५ रहेको थियो । सोही तथ्याङकलाई आधार मानेर अहिले उपलब्ध १ हजार ३ सय डोज खोप लगाउने लक्ष्यसहित खोप लगाउन शुरु गरिएको बरालले बताए ।
खोप लगाउने कामका लागि नगरपालिकामा करिब १० जना स्वास्थ्यकर्मी तथा कर्मचारीहरु प्रत्यक्ष रुपमा खटिएका छन । सरकारले तोकेको मापदण्ड भित्र रहेर तालिम प्राप्त स्वास्थ्यकर्मीहरुबाट खोप लगाउने काम चलिरहेको बरालले बताए । बिहानै देखि खाेप लगाउनेहरू लाइन लागेकाे नगरपालिकाले जनाएकाे छ ।
सरकारले यस अघि ६० देखि ६५ बर्ष उमेर समुहका सबैलाई खोप लगाउने भनेपनि खोपको डोज पर्याप्त उपलब्ध नभएका कारण दोश्रो डोजको सुनिश्चितता गर्दै पहिलो चरणमा ६२ देखि ६४ बर्ष उमेर समुहका लागि पहिलो डोज लगाइएको हो ।
Related