यासोक/पाँचथरको कुम्मायक २ माङजाबुङ घरभई दक्षिण कोरियामा रहनुभएका समाजसेवी गजेन्द्र सेर्माले आफ्नो वार्डमा स्वास्थ्य सामाग्री सहयोग गरेका छन् । २ लाख १६ हजार मुल्य बराबरको अक्सिजन सिलिण्डर, माक्स, सेनिटाइजर जस्ता स्वास्थ्य सामाग्री समाजसेवी सेर्माले प्रदान गरेका हुन् ।

वैदेशिक रोजगारीको शिलसिलामा दक्षिण कोरिया पुग्नु भएका उहाँले व्यक्तिगत २ लाख १६ हजार मुल्यको स्वास्थ्य चौकी माङजाबुङलाई ४३ केजीको ६ वटा अक्सिजन सिलिण्डर त्यस्तै प्रत्येक घरघरमा बितरण गर्नको लागि ८ हजार ५ सय माक्स, ८ सय ५० थान सेनिटाइजर बितरण गर्नुभएको हो । उहाँका दाजु घनेन्द्रकुमार शेर्माले वडाअध्यक्ष बालकृष्ण शेर्मालाई उक्त स्वास्थ्य सामाग्री हस्तान्तरण गरेका छन् ।

यस वडामा ८ सय १५ घरधुरीका ४ हजार जनसंख्याको बसोवास छ । भौगोलिक रुपमा दुर्गम क्षेत्र भएकाले कोभिड संक्रमितलाई अक्सिजनको अभाव हुन नदिन र नागरिकलाई माहामारीबाट सुरक्षित गर्न सहयोग गरिएको गजेन्द्रका दाजु घनेन्द्रकुमार शेर्माले बताउँनुभयो । माहामारीको समयमा बिदेशमा कोभिडले ठुलो क्षति पु¥याएको पीडा सम्झेर भाइले वडावासीलाई त्यस्तो पीडा नहोस् भन्दै सामाजिक दायित्व पूरा गर्न सहयोग गरेको शेर्माले बताए ।

वडामा प्राप्त भएको स्वास्थ्य सामाग्री वडा सदस्यको रोहवरमा साविक ९ वटै वडाका महिला स्वास्थ्य स्वायमसेविका मार्फत बितरण गरिने वडाध्यक्ष सेर्माले बताएका छन् । उनले भने– “सम्भव भएसम्म घर घरमा, भनए पनि टोल बिभाजन गरी सामाजिक सुरक्षा कायम गरी बितरण गर्ने गरी व्यवस्थान मिलाएका छौ ।”

नेपाल चलचित्रकर्मी संघ प्रदेश नम्बर १ को समन्वयमा सेर्माले आफ्नो व्यक्तिगत लगानीमा वडावासीलाई स्वास्थ्य सामाग्री बितरण गरेका हुन् । यतिवेला उनको सहयोगको वडावासीले सर्वत्र प्रशंसा गरेका छन् ।