लिम्बुवानखबर, २९ जेठ । मौसम पूर्वानुमान महाशाखाको अनुसार आगामी तीन दिन देशभर सामान्य मौसम बदली भई बर्षाको सम्भावना रहेको छ । शनिबारको मौसम पूर्वानुमान बुलेटिनअनुसार शनिबार, आइतबार र सोमबार मौसममा देशभर सामान्यदेखि पूर्ण बदली रहने जनाएको छ । बर्षाको सम्भावना बडेसँगै सतर्क रहन महाशाखाले अनुरोध गरेको छ ।

शनिबार दिउँसो देशका धेरै स्थानहरुमा मेघगर्जन/चट्टयाङ्गसहित हल्कादेखि मध्यम वर्षाको सम्भावना रहेको छ । गण्डकी प्रदेश, लुम्बिनी प्रदेश र कर्णाली प्रदेशका थोरै स्थानहरुमा भारी बर्षाको समेत सम्भावना रहेको महाशाखाले जनाएको छ । त्यस्तै प्रदेश १, गण्डकी प्रदेश र लुम्बिनी प्रदेशका थोरै स्थानमा पनि भारी बर्षाको संभावना रहेको छ ।

यस्तै महाशाखाकाले आइतबार दिउँसो देशभर सामान्यदेखि पूर्ण बदली हुँदै धेरै स्थानहरुमा मेघगर्जन/चट्टयाङ्गसहित वर्षाको सम्भावना रहेको जनाएको छ । प्रदेश १, बाग्मती प्रदेश, गण्डकी प्रदेश र लुम्बिनी प्रदेशका थोरै स्थानहरुमा भारी बर्षाको समेत सम्भावना रहेको जनाएको छ । साँझमा देशभर सामान्य देखि पूर्ण बदली रहनुका साथै धेरै स्थानहरुमा मेघगर्जन/चट्टयाङ्गसहित हल्कादेखि मध्यम वर्षाको सम्भावना रहेको छ ।

सोमबार देशभर सामान्य देखि पूर्ण बदली रहने र धेरै स्थानहरुमा मेघगर्जन/चट्टयाङ्ग सहित हल्का देखि मध्यम वर्षाको सम्भावना रहेको छ । प्रदेश नं १, प्रदेश नं २, बाग्मती प्रदेश, गण्डकी प्रदेश, लुम्बिनी प्रदेश र कर्णाली प्रदेशका थोरै स्थानहरुमा भारी बर्षाको समेत सम्भावना रहेको महाशाखाले जनाएको छ ।